LUKA 22:32 - Pathien Lekhabu Inthieng (BSI)

³² nisienlakhawm, i ringna a bo nawna dingin ka ṭawngṭaipêk che a nih, i ngha kîr nâwk pha nangin i unauhai sukdet rawh,” a ta.

LUKA 22:32 ပူးပေါင်းရင်းမြစ်များ

MATTHAI 18:3

“Titakzetin ka ti cheu hi, in inlamlêta naupangte ang in hung ni naw chun, vân ramah lût naw tawp in tih.

MATTHAI 26:75

Chun, Peter chun, Isûn “âr a khuong hmain nangin vawi thum mîn phat i tih,” a ti kha a hung hriet nâwk ta a. Chun, a suok a, a ṭap ta ngâwi ngâwi a.

MARKA 14:72

Chun, âr khuong vawi hnina chu a khuong nghâl ta a; chun, Peter chun Isûn a kuoma, “Âr vawi hni a khuong hmain nangin vawi thum mîn phat i tih, ” a ti thu kha a hung hriet suok ta a. Chuongchun, chu thu chu a ngaituoin a ṭap ta a.

MARKA 16:7

Nisienlakhawm, fe unla a închûktirhai le Peter kuoma chun, ‘Galili ramah in hmaa a fe ding a na; in kuoma a hril ang ngei khan chu chun hmûng in tih,’ tiin hril ro,” a ta.

LUKA 8:13

Chun, pielthlêng chunga mi chu hieng hi an nih; an hriet phingleh thu chu lâwmtaka pawmhai hi; nisienlakhawm, zung hrim an nei nawh, sâwt nawtê chau an awi a, thlêma an um phaleh an bânsan nâwk hlak.

JOHAN 14:19

Sâwt nawtê hnungah khawvêlin mi hmu nâwk ta naw ni, nisienlakhawm, nangni chun mi hmûng in tih; kei ka hring leiin nangni khawm hring in tih.

THILTHAWHAI 3:19

Chuleiin, in suolhai thâibo a ni theina dingin sim unla, ngha kîr nâwk ro,

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:32

Ama naupa ngei khawm hla lova, ei rênga aia petu chun, thil dang po po khawm a thlâwnin a mi pêk sa naw ding am a nih?

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:34

Tuin am thiemnaw inchangtir a ti leh? A thi chu Isu Krista chu a ni si a, anih, mithi laia inthawka tho nâwk ta lem a, Pathien changtienga uma a mi hrilpêktu bawk kha a nih.

2 TIMOTHE 2:18

Chuong mihai chun, “Thonâwkna chu tu khawm hin a ni dai tah,” tiin, thutak kawng chu an fe kâwisan a, mi ṭhenkhathai ringna an sukbo hlak.

TITA 1:1

Paula Pathien suok, Pathien ithlanghai ringna kawnga le, Pathien ngaisak tieng thutak hrietna kawnga Isu Krista tirko bawk chun:

HEBRAIHAI 12:15

Fimkhur takin en ro, Pathien lunginsietna chu tûkhawma in chân nawna dingin, chuong naw chun khâkna zung hung inder suoka sukbuoi cheuin, chu chun mi tamtak sukpawrchein an um hlak.

HEBRAIHAI 7:25

Chuongchun, amaa Pathien kuoma hunghai chu a tâwp khâwk chenin a sandam thei bawk a nih; anni ṭawngṭai pêk dingin chatuona a hring zing leiin.

1 PETER 1:1

Peter, Isu Krista tirko chun: Ponto ram dâm, Galati ram dâm, Kappadokia ram dâm, Asia ram dâm, Bethunia ram dâma Indar umhai,

1 PETER 1:13

Chuleiin, in lungril dier keiin, ngaiven unla, Isu Krista inlâr pha chun lunginsietna a hung chawipêk ding cheu chu beidawng lovin beisei tlat ro;

1 PETER 1:5

Sandamna, hun nuhnunga inlang dinga inzosa chu hmu dingin, ringna leia Pathien thilthawtheinaa vêng chu in nih.

2 PETER 3:14

Chuleiin, dittakhai, chuong ang thilhai chu in beisei leiin, inthiengnawna kai lo le sawisêl boin thlamuongtaka in um a hmu theina ding cheuin, taimâk insuo ro.

1 JOHAN 2:19

Anni chu eini laia inthawkin an suok a, nisienlakhawm, eini mi tak an ni nawh; eini mi tak ni hai sienla, eini kuomah an um ve pei ding a ni si a. Nisienlakhawm, an rêngin eini mi tak an ni naw vawng ti ân lang fel theina dingin an mi suoksan ta a nih.