LUKA 22:26 - Pathien Lekhabu Inthieng (BSI)

²⁶ Nisienlakhawm, nangni chu chuong ang chu ni naw ti niu; in laia ropui tak chu a chîn lem angin um sienla, ân lal tak chu rawngbâwltu angin um lem raw se.

LUKA 22:26 ပူးပေါင်းရင်းမြစ်များ

MATTHAI 20:26

Nisienlakhawm, nangni laia chu chuong ang chu ni naw ni, tukhawm nangni laia mi lien ni nuom phawt chu in rawngbâwltuin a um ding a nih,

MARKA 10:43

Nangni lai ruok chun chuong chu ni naw nih, tukhawm in laia mi lien ni nuom phawt chu in rawngbâwltuin a um lem ding a nih!

MARKA 9:35

Chun, ama chu a ṭhung a, sâwm le pahnihai chu a ko a, an kuomah, “Tûkhawmin a hmasatak ni a nuom chun, mi po po nêka nuhnungin um a ta, mi po po rawngbâwltuin a um bawk ding a nih,” a ta.

LUKA 9:48

an kuomah, “Tûkhawm, ka hming leia hi naupangte lâwm taphawt chu kei a mi lâwm ning a ta, tukhawm kei mi lâwm chu a mi tirtu lâwm nîng a tih, nangni laia chîntak hi a nih a ropui chu,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:2

Hi khawvêl dân ang hin um naw unla, Pathien dit zâwng a ṭha le lâwmtlâk le ṭha famkim chu in hriet chieng theina dingin, in lungril a thara umin, hung danglam lem ta ro khai.

1 PETER 5:3

in chanhai chungah insuklal bawk lovin, pâwlhai enkhi dingin insiem lemin inrawi ro.

1 PETER 5:5

Chuong ang bawkin, nangni tleirâwl deuhai, upahai kuomah intuklût ro. Anih, in rêngin rawng inbâwltuo seng dingin thuhnuoirawlnain inthuom ro; Pathienin chapohai a kal a, inngaitlâwmhai ruok chu lunginsietna a pêk hlak si a.