LUKA 22:19 - Pathien Lekhabu Inthieng (BSI)

¹⁹ Chun, bei a lâk a, lâwmthu a hril zoin, a khawi a, an kuomah a pêk a, “Hi hi ka taksa [in aia pêk chu a nih; in mi hriet zingna dingin hi hi thaw hlak ro,” a ta.

LUKA 22:19 ပူးပေါင်းရင်းမြစ်များ

INPÂKNA HLABU 111:4

Ama chun a thilmak thawhai chu ân hriet zingtir a, Lalpa chu mi lunginsiet theitak, lainatnaa sip a nih.

HLAHAI HLA 1:4

Mi hîp la, i hnungah hung tlân kan tih: Lal chun a pindanhaia chun a mi ṭhuoi a; Nangmaa chun hlimin lâwm kan tih; Uoin nêk chun i hming chu hung hril lem kan ta; An hmangai takzet che a nih.

EZEKIEL 37:11

Chun, ka kuoma chun, “Mihriem naupa, hieng ruhai hi Israel sûngkuohai po po chu an na, ngai ta, anni chun, ‘Ei ruhai hlak a ṭâwl zo ta a, ei beisei hlak a bo dêr ta a; sâtthlâk ei ni ta a ni hi,’ an ti a.

EZEKIEL 5:5

Lalpa Pathien chun hieng ang hin a ti a nih: “Hi hi Jerusalem chu a nih, hnamhai laia chun ka sie ta a, ramhai chu a vêlin an um a.

DANIEL 2:38

mihriem nauhai chêngna taphawt le, ramhnuoia ramsahai le chunglêng vatehai umna taphawt chu i kutah a pêk vawng a, an rênga chunga chun rorêl dingin a siem che a: chuongchun, nang chu rângkachak lu chu i nih.

MATTHAI 14:19

Chun, hlo chunga ṭhung dingin mipui chu thu a pêk a, beiphêk panga le nga pahni chu a lâk a, vân tieng enin mal a sâwm a, a khawi a, beiphêk panga chu inchûktirhai kuomah a pêk a; inchûktirhai chun mipui kuoma chun an pêk a.

MATTHAI 15:36

Chun, bei pasari le ngatê chu a lâk a, lâwmthu a hril a, a khawi a, inchûktirhai kuomah a pêk a; inchûktirhai chun mipuihai kuomah an pêk a.

LUKA 22:17

Chun, no a lâk a, lâwmthu a hril zoin, “Hi hi la unla, insem ro,

LUKA 22:20

Chun, zân bu fâk zoin chuong ang bawkin no chu a lâk a, “Hi no hi ka thisena thuthlung thar chu a nih, in aia suok ding chu.]

LUKA 24:30

Chun, an kuoma buthlêng awta a ṭhung laiin bei a lâk a, mal a sâwm a, a khawi a, an kuomah a pêk a.

JOHAN 6:23

(Nisienlakhawm, Lalpain lâwm- thu a hril hnunga, bei an fâkna hmun kâwla khan Tiberi khuoa inthawkin lawng chînhai a hung tlung si a).

JOHAN 6:51

Kei hi vâna inthawka bei hring hung ṭum chu ka nih, tûkhawmin hi bei hi a fâk chun chatuonin hring zing a tih, anih, khawvêl hringna dinga ka ipêk ding bei chu, ka taksa hi a nih,” a ta.

1 KORINTH 10:16

Malsâwmna no mal ei isâwm hlak hi, Krista thisen inṭawmpuina a ni naw am a nih? Bei ei khawi hlak hi Krista taksa inṭawmpuina a ni naw am a nih?

1 KORINTH 10:4

an rêngin thlarau tieng dâwn ding hmunkhat khawm an dâwn seng kha; anni zuitu thlarau tieng lungpuia kha an dâwn seng kha; chu lungpui chu Krista a nih.

GALATI 1:4

ama chun ei Pathien le ei Pa remtizâwngin tulai khawvêl suoltaka a mi san suok theina dingin, ei suolhai aiin ama ân pêk ta si a;

GALATI 4:25

Chun, Hagar hi Arabia rama Sinai tlâng chu a nih Jerusalem tulaia um le hin angkhat an nih; a nauhai leh suokah an um si a.

EPHESI 5:2

Chun, Kristain a hmangai cheu a, riminhnik dinga Pathien kuoma thil inhlâna ding le, inthâwinaa ei aia ân pêk ang bawk khan, hmangainaah um ro.

1 THESSALONIKA 5:18

iengkimah lâwmthu hril rawp ro; chu chu nangni tieng thuah Krista Isua chun Pathien dit zâwng a ni si a.

TITA 2:14

Ama chun bawsietna po poa inthawka a mîn tlan theina dingin le, chi thlang bîk, thil ṭha thawa ṭhahnemngaia, ama ta dinga a sukthieng theina dingin ei aiin ân pêk kha.

1 PETER 2:24

Suol tiengahai thi tain felna tienga ei hring theina dingin, ama ngeiin a taksain thinga khan ei suolhai a phur a, ama vuokna invuolhai chun sukdamin in um ta a.