LUKA 22:17 - Pathien Lekhabu Inthieng (BSI)

¹⁷ Chun, no a lâk a, lâwmthu a hril zoin, “Hi hi la unla, insem ro,

LUKA 22:17 ပူးပေါင်းရင်းမြစ်များ

INPÂKNA HLABU 116:13

Sandamna no lâng ka ta, Lalpa hming chu ko ka tih.

INPÂKNA HLABU 23:5

A mi dotuhai mithmuah ka hmaa hin dawkân i buotsai hlak a, Ka lu hi hriek i nâl ta a, ka noa hin a liem zing a.

JEREMIA 16:7

mithihai leia anni thlamuon dingin, mihai chun sûnna dingin bei khawi naw ni hai a; an nuhai amanih, an pahai amanih dâwn dingin sûnpuina nohai chu pe bawk naw ni hai.

MATTHAI 14:19

Chun, hlo chunga ṭhung dingin mipui chu thu a pêk a, beiphêk panga le nga pahni chu a lâk a, vân tieng enin mal a sâwm a, a khawi a, beiphêk panga chu inchûktirhai kuomah a pêk a; inchûktirhai chun mipui kuoma chun an pêk a.

MATTHAI 15:36

Chun, bei pasari le ngatê chu a lâk a, lâwmthu a hril a, a khawi a, inchûktirhai kuomah a pêk a; inchûktirhai chun mipuihai kuomah an pêk a.

MATTHAI 26:26

Chun, an fâk laiin Isûn bei a lâk a, mal a sâwmpêk a, a khawi a; chun, inchûktirhai kuomah a pêk a, “La unla, fa ro, hi hi ka taksa a nih,” a ta.

MARKA 14:22

Chun, an fâk laiin Isûn bei a lâk a, mal a sâwm zoin a khawi a, an kuomah a pêk a, “La ro, hi hi ka taksa a nih,” a ta.

LUKA 22:19

Chun, bei a lâk a, lâwmthu a hril zoin, a khawi a, an kuomah a pêk a, “Hi hi ka taksa [in aia pêk chu a nih; in mi hriet zingna dingin hi hi thaw hlak ro,” a ta.

LUKA 9:16

Chun, beiphêk panga le nga pahni chu a lâk a, vân tieng enin mal a sâwm a, a khawi a, mipui hmaa sem dingin a inchûktirhai kuoma chun a pêk a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:6

Ni insertu chun, Lalpa chawimawina dingin ân ser hlak a na. Iengkim fatu chun, Pathien kuomah lâwm thu a hril a, Lalpa chawimawina dingin a fâk hlak a nih; a fa nawtu khawm chun, Pathien kuomah lâwm thu a hril a, Pathien chawimawina dingin a fâk naw hlak a nih.

1 KORINTH 10:16

Malsâwmna no mal ei isâwm hlak hi, Krista thisen inṭawmpuina a ni naw am a nih? Bei ei khawi hlak hi Krista taksa inṭawmpuina a ni naw am a nih?

1 KORINTH 11:23

Ka thu hril sâwng cheu kha Lalpa kuoma inthawka ka dawng a na; khânga inmantira a um zân khan, Lalpa Isûn, bei a lâk a,

DÂN PAHNINA 8:10

In fâka in tlai hle pha chun, ram ṭhatak a pêk cheu lei chun Lalpa in Pathien chu inpâk in tih.

1 SAMUEL 9:13

khuo in hang lût hlimin bâwlhmuna bu fa dinga a fe hmain hang hmu nghâl el in tih; inthâwina malsâwmtu ding a ni leiin a tlung hmakhat chu mipui chun bu an fâk naw ding a nih, chu hnunga chun an mi fielhai chun an fâk hlak a nih. Chuleiin, hang fe vak unla, hang hmu nghâl el in tih,” an ta.