LUKA 21:6 - Pathien Lekhabu Inthieng (BSI)

⁶ “Hieng in thil hmu hi, sukchim lova lung inthuo hrim hrim hitaka hin um naw ni; chuong ang ni chu la tlung a tih,” a ta.

LUKA 21:6 ပူးပေါင်းရင်းမြစ်များ

JEREMIA 26:18

“Moras mi Mikaia khan Juda ram lal Hezekia inlal laiin thu a hril a; Juda rama mi po pohai kuoma chun ‘Sipaihai Lalpa chun hieng hin a tih: Zion chu lo anga inlet nîng a ta; Jerusalem chu hmunhnawk sienkhâwm nîng a ta, in hmun tlâng chu ramhnuoia bâwlhmun tlâng ang nîng a tih,’ tiin.

JEREMIA 26:6

chuongchun, hi in hi Silo angah siem ka ta, hi khawpui hi hnuoia hnam po pohai ṭawngse hnâwknaah siem bawk ka tih,” tiin.

JEREMIA 26:9

Iengdinga Lalpa hminga thu hrila, ‘Hi in hi Silo ang nîng a ta, hi khawpui hi hluotu um lova rausan nîng a tih,’ i ti am a na?” an ti a. Chuongchun, Lalpa ina chun Jeremia chu mipui po po chun an bâwr ta hut hut a.

ṬAP HLA 4:1

Rângkachak chu a vân thim ta de! Rângkachak inthieng khawm chu a va danglam ta de! Hmun inthieng lunghai chu kawtthlêr tâwp tina chun bunthlâkin a um a.

ṬAP HLA 5:18

Zion tlâng chu râusana umin, Sihalhai chu a chungah an inlawn a.

MIKA 3:12

Chuleiin, Zion chu, nangni lei chun lo anga inlet nîng a ta, Jerusalem chu thil se um khâwm nîng a ta, biekin umna tlâng chu ramhnuoi hmun insâng ang nîng a tih.

ZEKARIA 11:1

Aw Lebanon, i kawtkhârhai hawng rawh, I sidar thinghai chu meiin a kâng hmang theina dingin!

ZEKARIA 14:2

Jerusalem chu do dingin hnam po po chu ka kei khâwm ding a ni si a; khawpui chu lâk nîng a ta, inhai chu kâpkhumin um an ta, nuhmeihai chu ṭhuoi hmangin um an ta, chun, a khawpui chenve zet chu salah fêng an ta, mi la um sunhai ruok chu khawpuia inthawka sât thlâk ni naw ni hai.

MATTHAI 24:2

Chun, a inchûktirhai chu Pathien biekinhai inentir dingin a kuomah an hung a. Ama ruok chun, an kuomah, “Hieng po po hi in hmu maw? Titakzetin ka hril cheu hi, sukchim loa lung inthuo hrim hrim hitaka hin um naw ni,” a ta, a dawn a.

MARKA 13:2

Chun, Isûn a kuomah, “Hieng in nasatak hi in hmu maw? Sukchim lova lung inthuo hrim hrim hitaka hin um naw ni,” a ta.

LUKA 21:7

Chun, anni chun a kuomah, “Inchûktirtu, chuong chu ieng tik am hung um a ti leh? Chuong chu a hung tlung ding pha inchikna ieng am um a ta?” tiin an indawn a.