LUKA 21:34 - Pathien Lekhabu Inthieng (BSI)

³⁴ “Amiruokchu, fîmkhur ro, chuong naw chun, fâk khawp taluo leh, zu inrui leh, dam sûng khawsak ngaituo leh in lungril sip taluo hlau a ta, chu ni chun châng âwk angin kârlovin in chungah hung tlung phut a tih.

LUKA 21:34 ပူးပေါင်းရင်းမြစ်များ

INṬANNA 19:32

thaw rawh, ei pa hi uoin indâwntir ei ti khai, chuongchun, ei pa suonmawng lova ei siem theina dingin a kuomah zâl ei tih,” a ti a.

INṬANNA 19:35

Chuongchun, chu zân khawm chun an pa chu uoin an indâwntir nâwk a: chun, a naupang lem chu a tho a, a kuomah a va zâl ta a; ama chun amanu hung zâl lai chu a hriet naw a, a tho nâwk lai khawm chu a hriet bawk nawh.

INṬANNA 27:14

Chuongchun, a va fe a, a va lâk a, a nu kuomah a hungpui a; chun, a nu chun a pa du zâwngin hme inhniktakin a lo siem ta a.

INPÂKNA HLABU 35:8

Ân ringnaw kârin sietna a chungah tlung sienla; A lên pha rûka khan ama ngei âwk bawk sienla: Chutaka chun tla se dêr raw se.

THUVARHAI 21:4

Meng insâng le lungril chapo, Mi khawhlo khâwnvar ngei khawm chu suol a nih.

THUVARHAI 23:20

Hnukinrâwltaka sa fa mihai lai le Zu he mihai laia chun um naw rawh.

THUHRILTU 9:12

Mihriem chun a hun chu a hrietthiem naw a; ngahai chu lên ṭiuma mana an um ang le, vatehai chu chânga an âwk angin chuong ang bawk chun, an chunga a hung tlung thut pha chun mihriem nauhai khawm chu hun ṭha nawa chun âwkin an um hlak a nih.

ISAI 28:7

Nisienlakhawm, chuonghai khawm chu uoin leiin an thle an thle a, zu leiin an pêm an pêm a, thiempuhai le zâwlneihai chu zu leiin an thle a, uoin lem zoin an um a, zu leiin an pêm an pêm a; inlârna thuah an thle an thle hlak a, rorêlna thuah an pêm an pêm hlak.

HOSEA 4:11

Nawchizawr dâm, uoin dâm, uoin thar dâm chun Hrietthiemna a lâk hmang hlak.

LEVI DÂN 10:9

“Nang amanih, i naupasalhai amani khawmin, intuokna puon in sûnga in fe laiin uoin le zu hrim hrim dâwn naw ro, chuong naw chun thîng in tih; hi hi in thlahai chena kumkhaw dân ding nîng a tih.

MATTHAI 13:22

Chun, hlohlingnei laia the chu, thu hretu a na; nisienlakhawm, khawvêl lungkhamna le hausakna hlêmna chun thu chu a dîp a, ra lovin a um hlak.

MARKA 13:9

“Nisienlakhawm, fimkhur ro, rorêltuhai an inmantir ding cheu a nih; inkhâwmna inhaiah vuong an ti cheu a, keia leiin hotuhai le lalhai hmaah anni inhriettirna dingin la ngîr bawk in tih.

MARKA 4:19

nisienlakhawm, khawvêl lungkhamnahai, hausakna hlêmnahai, thil dang châknahai chu a hung lût a, thu chu a dîp a, ra lovin a lo um hlak.

LUKA 10:41

Chun, Lalpain, “Martha, Martha, thil tamtak i ngaituoa i buoi a ni hi,

LUKA 12:40

Nangni khawm inring zingin um ro, in ring naw hunah Mihriem Naupa chu a hung ding a ni si a,” a ta.

LUKA 17:3

“Fîmkhur ro, i unauin thil a suksuol chun kâwk rawh; ân sîr chun ngaidam rawh.

LUKA 21:35

Chuong ang tak chun, hnuoi chung po poa umhai chungah a tlung seng ding a nih.

LUKA 21:8

Chun, ama chun, “An hlêm nawna ding cheuin fîmkhur ro. Mi tamtakin, ‘Krista chu ka nih,’ ‘Ahun a tlung ding a ni tah,’ tiin keia hming sâlin an hung ding a nih; chuonghai chu zui naw ro.

LUKA 8:14

Chun, hlohlingnei laia tla chu hieng mi hi an nih; thu an hriet hnunga an fe pei laiin dam sûng khawsak lungkhamnahai, inhawitirnahai, hausaknahai chun a dîp a, an ra puitling ngainaw a nih.

1 KORINTH 5:11

Tu ruok hin chu tûkhawm unau hming input siin indit hmang mi amanih, mi duâm amanih, milim betu amanih, inhalhmang amanih, zu inruihmang mi amanih, hlêpru mi amani ni sienla, pâwl lo dingin in kuomah ka ziek a nih; chuong ang mi kuoma chun a fâk khawm fa lo dingin.

1 KORINTH 6:10

inruhmanghai amanih, mi duâmhai amanih, zu inruihmanghai amanih, inhalhmanghai amanih, hlêpruhaiin amanih Pathien ram hluo naw ni hai.

GALATI 5:20

milim biekna dâm, dawithiemna dâm, theidâna dâm, inhalna dâm, thîkna dâm, lungsenna dâm, mani hmasielna dâm, insuktumna dâm, ring tumna dâm,

DÂN PAHNINA 29:19

Hi inkhâmna thu ngaithlatu po poin, ‘Lulultakin ei lampui hraw chu hraw zing inla khawm him tho ei tih,'tia lungrila ngaidân siem a, inthlamuontu um hlau rawi an tih. (Chu chun ram hnâwng le ram ṭâwt chungah sietna intlun a tih).

PHILIPPI 4:6

Iengkimah ṭawngṭaina le hninain, lâwmthu hrilsa peiin in dithai chu Pathien kuomah inhriettirin um lem raw se.

HEBRAIHAI 12:15

Fimkhur takin en ro, Pathien lunginsietna chu tûkhawma in chân nawna dingin, chuong naw chun khâkna zung hung inder suoka sukbuoi cheuin, chu chun mi tamtak sukpawrchein an um hlak.

2 PETER 3:10

Nisienlakhawm, Lalpa ni chu inru angin hung tlung ngei a tih; chu nia chun vânhai chu nasataka inriin bohmang a ta, thil bulhai chu meia emhmangin um tâng a ta, hnuoi le a sûnga sinthaw umhai hi kâng hmang a tih.

2 PETER 3:14

Chuleiin, dittakhai, chuong ang thilhai chu in beisei leiin, inthiengnawna kai lo le sawisêl boin thlamuongtaka in um a hmu theina ding cheuin, taimâk insuo ro.

THUPUONGSUO 3:3

Chuongchun, i changta le i hriet ta kha hre zing rawh; chun, chu chu pawm la, sim rawh. în vêng naw chun inru angin hung ka ta, ieng hun âm ka hung phâwk ding che hre si naw ti ni a.

1 SAMUEL 25:36

Chun, Abigail chu Nabal kuoma chun a hang fe a; chun, ngai ta, a ina chun lal ruoiṭhe ang elin ruoi a lo ṭhe a, ân rui hle leiin Nabal chu a hlim huom el a; chuleiin, a zîng khawvar hmakhat chun iengkhawm, a hril naw a.