LUKA 21:27 - Pathien Lekhabu Inthieng (BSI)

²⁷ Chu pha chun Mihriem Naupa hi thilthawtheina leh, ropuina nasatak leh sûm laia hung hmûng an tih.

LUKA 21:27 ပူးပေါင်းရင်းမြစ်များ

DANIEL 7:13

Zâna thil hmulâwkhai ka hmu a, chun, ngai ta, Mi pakhat mihriem naupa ni âwm tak vân sûmhai le um a hung a, Tienlai mi kuoma ngei chun a hung a, Ama hmaa chun an hung ṭhuoi a.

MATTHAI 24:30

Chu phâ chun Mihriem Naupa inchikna chu vânah inlang a ta, chun, hnuoia um chi tinin an âwmhai chum an ta, Mihriem Naupa hi thilthawtheina le ropuina nasatak leh vân sûm chunga hung hmûng an tih.

MATTHAI 25:31

“Mihriem naupa ruok chu a vântirkohai po po leh a ropuinaa inthuoma a hung phâ chun, a ropuina ṭhungphaah ṭhung a ta;

MATTHAI 26:64

Isûn a kuomah, “I hril ang chun ka nih; chu nawa khawm, ka hril cheu hi, hi hnung leh Mihriem Naupa hi thilthawtheina changtienga ṭhunga, vân sûm chunga hung in la hmu ding a nih,” a ta.

MARKA 13:26

Chu phâ le chun Mihriem Naupa hi thilthawtheina nasatak leh sûm laia hung hmûng an tih.

LUKA 21:26

mihai, thlabâr lei le khawvêla thil hung tlung ding ngaituo leiin thidang an tih; vân thilthawtheinahai chu ân hnîng ding a ni si a.

THUPUONGSUO 1:7

Ngai ta u, ama chu sûmhai le chun a hung ding a nih; mit tinrêngin hmûng an ta, a suntuhai ngei khawm khan; khawvêla hnam po poin ama ṭa bawk an tih. Chuong angtak chun ning a tih, Amen.

THUPUONGSUO 14:14

Chun, ka hang en a, sûm vâr tak ka hmu a. Sûm chunga chun mihriem naupa ang tak hi, rângkachak lallukhum khuma, kâwite ngeitak chawia ṭhung ka hmu bawk a.