LUKA 21:1 - Pathien Lekhabu Inthieng (BSI)

¹ Chun, a dâk suok a, mi hausahaiin thawlâwm bâwma an thawlâwm thlâk lai a hmu a.

LUKA 21:1 ပူးပေါင်းရင်းမြစ်များ

1 LALHAI 14:26

Lalpa ina rohai le lal rohai chu a lâk a, a rêng el chun a lâk fai vawng a; Solomon rângkachak phaw siem po po khawm kha a lâksa vawng a.

2 LALHAI 12:9

Amiruokchu, thiempu Jehoiada chun bâwm a lâk a, a sîn a verpawp a, Lalpa ina lût changtieng panga, maichâm bula chun ân ṭhut a, chutaka chun Lalpa ina tangka hung lâklût po po chu kawtkhâr vêngtu thiempuhai chun an lo sie pei a.

2 LALHAI 24:13

Chun, Lalpa hril ang khan, Lalpa ina ro po po le lal ina ro po po chu a lâk suok a, Lalpa biek ina Israel lal Solomonin rângkachak bûr le bêl a siemhai po po chu a sâtnawi vawng a.

2 CHANCHIN SUINA 36:18

Pathien ina bûr le bêlhai, a lien le chînhai khawm, Lalpa ina ro siekhâwlhai, lal ina ro siekhâwlhai le, a hotuhai tahai chen khawm chun Babulon tieng a lâk vawng a.

NEHEMIA 13:13

Chun, thiempu Selemia le lekhaziektu Zadok le Levi mihai laia mi Pedaia hai chu thawlâwm sie khâwmnahai hotu dingin ka siem a, anni ṭhangpuitu ding chun Mattania nau Zakkur naupa Hanan a um a; ringuma ngai an na; an sinthaw chu an unauhai laia thil sem vêl a nih.

MATTHAI 27:6

Chun, thiempu lalhai chun tangka chu an lâk a, “Hi hi thawlâwm bâwma sie a thieng naw ie, thisen man a ni si a,” an ta.

LUKA 20:47

hmeithai sum an fâk a, tlâng hlêmna dingin sâwt tak an ṭawngṭai hlak; chuonghai chun thiemnaw chang nasa zuol an tih,” a ta.

JOHAN 8:20

Chuong thu chu Pathien biekin- ah inchûktir malamin, thawlâwm siena hmunah a hril a; tukhawmin ama an man si nawh, a hun a la tlung naw leiin.

JOSUA 6:19

Tangkaruo dâm, rângkachak dâm, dâr le thîr bûrlebêlhai ruok chu a rêngin Lalpa kuoma inthieng a na, Lalpa sum inah an lût vawng ding a nih,” a ta.

JOSUA 6:24

Chun, khawpui chu a sûnga thil um po po leh meiin an raw vawng a, tangkaruo dâm, rângkachak dâm, dâr le thîr bûr le bêlhai chau chu Lalpa in sum inah an sie a.