LUKA 20:37 - Pathien Lekhabu Inthieng (BSI)

³⁷ Mithi keithoin an um ding a nih ti Mosie khawmin Chîmbuk thuah Lalpa chu, ‘Abraham Pathien, Isak Pathien, Jakob Pathien,’ a ti lai khan ân hriettir kha.

LUKA 20:37 ပူးပေါင်းရင်းမြစ်များ

INṬANNA 17:7

Chun, kei le nang le i hnunga i thlahai an thla sâwng peihai chen inkârah kumkhaw thuthlung dingin ka thuthlung hi sukdet ka tih, i ta ding le i hnunga i thlahai ta dinga Pathien ka nina dingin.

INṬANNA 28:13

A tâwpa chun Lalpa a ngîr a, “Kei hi Lalpa i pu Abraham Pathien le Isak Pathien chu ka nih, i zâlna hnuoi kha i kuoma le i thlahai kuomah la pêng ka ti cheu;

INṬANNA 28:21

chuonga ka pa in tienga thlamuongtaka ka hung kîr nâwk phawt chun, Lalpa chu ka Pathien nîng a ta,

INṬANNA 32:9

Chun, Jakob bawk chun, “Aw ka pu Abraham Pathien, ka pa Isak Pathien, aw Lalpa, ‘I ram tieng le i laibunghai lai fe nâwk ta rawh, chuongchun, siem ṭhâng ka ti che’ mi titu,

FESUOKNA 3:15

Chu naw khawm chu Pathienin Mosie kuomah “Israel mihai kuoma chun, ‘In thlatuhai Pathien, Abraham Pathien, Isak Pathien le Jakob Pathien Jehova chun in kuomah a mi hung tir a nih,’ tîng i tih: hi hi kumkhuoa ka hming a nih, hi hi ṭhang po po mi hriet dân ding chu a nih.

DÂN PAHNINA 33:16

Leilung le a chung thil hluhaiin, Chîmbuka inlâr ditsaknain, Malsâwmna chu Josef lu chungah hung um raw se, A unauhai chunga hotua um lusîpa chun.