LUKA 20:22 - Pathien Lekhabu Inthieng (BSI)

²² Kaisar kuoma sie kan chawi a thieng am a thieng naw?” an ta, an indawn a.

LUKA 20:22 ပူးပေါင်းရင်းမြစ်များ

EZRA 4:13

Hi khuo hi hienga an bâwl a, a kulhai an zo chun, leiman dâm, sie amanih, ram man amanih pe naw ni hai a, a tâwpa chun lalhai chu sukse ngei an tih ti hi lal chun lo hre bawk raw se.

EZRA 9:7

Kan thlatuhai hun laia inthawk tah vawisûn ni chen hin suol namên lovin kan suol ta a; kan khawhlonahai lei hin kan lalhai le kan thiempuhai chu hieng ram lalhai kuthaia hin pêk suokin an um ta a; vawisûn ni ang chen khawm hin hmêla hamhaina le, suksietnaa le sal intângnaa le kâwlhnâm kuoma pêkin an um hi.

NEHEMIA 5:4

“Ei lohai, ei grêp huonhai hrên dinga siein lal kuoma dâm sie chawi dingin sum dâm ei pûk a.

NEHEMIA 9:37

Kan suol leia kan chunga lal dinga i ruothai hlak chun an neinung pha a, kan taksa chunga le kan ranhai chung takngiela khawm an nuom nuomin thu an nei a, kan lunginzîng êm êm el a nih,” tiin.

MATTHAI 17:25

Chun, inah a va lût chun, Isûn a kuomah, “Simon, iengtin am i ngai a? Hnuoia lalhai hin leiman le sie chi hran hranhai hi tuhaia inthawkin am an dâwl hlak a? An nauhaia inthawkin am, mi danghaia inthawkin?” tiin ân dawn a.

LUKA 20:21

Anni chun a kuomah, “Inchûktirtu, indiktakin thu i hrilin în chûktir a, tûkhawm thlier bîk lovin, thaw taktakin Pathien kawng thu în chûktir hlak ti kan hriet a;

LUKA 20:23

Nisienlakhawm, ama chun an dâwp a nih ti a hriet a, an kuomah,

LUKA 23:2

Chun, “Hi mipa hin kan chihai a sukkhawhlo a, Kaisar kuomah sie chawi a khap bawk a, Krista, lal ân ti khawm kan hriet,” tiin an hêk a.

THILTHAWHAI 5:37

Chu mipa um hnung chun, hming ziek lai khan Galili rama mi Juda kha a hung um nâwk a, a kuomah mi ṭhenkhat a hîp nâwk a, nisienlakhawm, ama chu a thi ta a, a thu zâwm taphawt chu an rêngin an indar ta vawng a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 13:7

Mi po po kuomah pêk ding taphawt chu pe ro; leiman pêkna ding kuoma chun leiman pe unla, sie chawina ding kuoma chun sie chawi unla, ṭi ding chu ṭi unla, inza ding chu inza ro.

DÂN PAHNINA 17:15

Lalpa in Pathienin a ithlang ngei chu lalah in nei ding a nih; in unau laia mi pakhat lalah in siem ding a nih; hnam dang mi, in unau ni lo chu nangni awptu dingin in siem ding a ni nawh.