LUKA 2:49 - Pathien Lekhabu Inthieng (BSI)

⁴⁹ Ama chun an kuomah, “Iengdinga in mi zawng am a na? Ka pa ina ka um ding in hriet naw am a nih?” a ta.

LUKA 2:49 ပူးပေါင်းရင်းမြစ်များ

INPÂKNA HLABU 40:8

Aw ka Pathien, i dit zâwng thaw hi ka lâwm zâwng tak a nih: Anih, i dân thu chu ka lungrilah a um zing ie,” ka ta.

MALAKI 3:1

“Ngai ta u, ka tirko chu ka tir a, ama chun ka hmaah lampui chu buotsai a tih: chun, Lalpa in izawng chu, a biekina chun hung nghâl a tih; chun, thuthlung tirko in ilâwm zâwng chu, ngai ta u, a hung ie,” sipaihai Lalpa chun a tih.

MATTHAI 21:12

Chun, Isu Pathien biekina chun a va lût a, biekina iengkhat zawrtuhai le inchawtuhai po po chu a hnawt dawk a, tangka thlengtuhai dawkânhai le vaṭhu zawrhai ṭhungphahai dâm chu a nam thlûkpêk a,

LUKA 2:48

Chun, a nu le pa chun ama an hmu chun mak an ti hle a, chuongchun, a nu chun a kuomah, “Ka nau, iengdinga hienga i mi thaw? Ngai ta, i pa le keiin thlaphângtakin kan zawng che a nih,” a ta.

JOHAN 4:34

Chun, Isûn an kuomah a hril a, “A mi tirtu dit zâwng thaw le, a sin thaw zo ding hi ka bu a nih.

JOHAN 5:17

Nisienlakhawm, Isûn anni chu a biek a, an kuomah, “Ka Pain tu chen khawmin sin a thaw hlak, kei khawmin ka thaw hlak,” a ta.

JOHAN 5:36

“Nisienlakhawm, inhriettirna ka nei hi Johan inhriettirna nêk khan a ropui lem a nih; Pain thil thaw zo dinga a mi pêk, ka thilthaw ngei hin Pain a mi tir a ni ti ka chanchin ân hriettir a nih.

JOHAN 6:38

Mâni nuom zâwng thaw dinga vâna inthawka hung ka ni naw a, a mi tirtu dit zâwng thaw dinga hung ṭum ka ni lem.

JOHAN 8:29

A mi tirtu chu ka kuomah a um, a mi thlâthlam nawh; a thil lâwm zâwng taphawt ka thaw pei hlak leiin,” a ta.

JOHAN 9:4

Sûn a ni laiin a mi tirtu sin ei thaw ding a nih, zân a ni ding a ni ta hi, chu pha chun tukhawmin thaw thei naw ni hai.