LUKA 2:37 - Pathien Lekhabu Inthieng (BSI)

³⁷ Kum sâwmriet pali zet hmeithaiin a um a. Ama chun Pathien biekin fesan lovin asûn azâna bu nghei dâma ṭawngṭaiin Pathien a biek hlak a.

LUKA 2:37 ပူးပေါင်းရင်းမြစ်များ

INPÂKNA HLABU 22:2

Aw ka Pathien, sûnah ka khêk a; nisienlakhawm, i dawn si nawh, Zânah ka khêk bawk a, ka to chuong nawh.

INPÂKNA HLABU 23:6

Matheilovin ṭhatna le ngilneinain ka dam sûng po po hin mi zui pei a ta: Chuongchun, Lalpa inah kumkhuoin um zing ka tih.

INPÂKNA HLABU 27:4

Lalpa kuomah thil pakhat ka hni a chu mawl chu zawng ka tih, Lalpa mawizie hmu ding le a biekina thu indawn dingin, Ka dam sûng poa Lalpa ina ka um zing theina ding chu.

INPÂKNA HLABU 84:10

I biekin inhuon sûng tuollaia ni khat um hi ni sâng khat nêkin a ṭhalem sih a; Rîtlona puon inhaia um nêk chun, Ei Pathien ina kawtkhâr vêngtu ni khawm ka nuom lem a nih.

INPÂKNA HLABU 84:4

I ina umhai chu an hamṭha a, Nang chu inpâk rawp an ti che.

INPÂKNA HLABU 92:13

Lalpa ina phunhai chu, Ei Pathien biekin inhuonna tuol sûnga chun inno hlut hlut an tih.

FESUOKNA 38:8

Chun dârsenin maihûn a siem a, a ṭhut chu dârsen, intuokna puon in kawtkhâra rawng bâwl hlak nuhmeihai hlimenhaia siem a nih.

LUKA 5:33

Chun, annîn a kuomah, “Johan inchûktirhaiin bu an nghei rawp a, an ṭawngṭai hlak; Pharisai inchûktirhai khawmin chuong ang bawkin an thaw hlak; nisienlakhawm, i închûktirhai hin an fâkin an dâwn hlak,” an ta.

THILTHAWHAI 13:3

Chuongchun, bu nghei a, an ṭawngṭai zo chun an chungah kut an innghat a, an infetir ta a.

THILTHAWHAI 14:23

Chun, kohran tinah upahai an ruot pêk pei a, bu nghei puma an ṭawngṭai zoin, an ring Lalpa kuoma chun an inkawltir pei a.

THILTHAWHAI 26:7

chu thutiem chu, ei hnam sâwm le pahniin, a sûn a zâna Pathien rawng ṭhahnemngaitaka bâwlin hmu an beisei hlak. Aw, lalpa, chu beiseina lei chun Judahaiin an mi hêk a ni hi.

1 TIMOTHE 5:5

Hmeithai taktak mâkhât chaua um chun Pathien chungah beiseina a nei tlat a, a sûn a zânin hni le ṭawngṭaiin a um rawp hlak.

THUPUONGSUO 3:12

A hnetu taphawt chu ka Pathien biekina chun banah siem ka ta, chutaka inthawk chun suok ta naw ni; chun, amaa chun ka Pathien hming leh, ka Pathien khuo Jerusalem Thar, ka Pathien kuoma mi vâna inthawka hung ṭum ding hming leh, ka hming thar leh ziek ka tih.

THUPUONGSUO 7:15

Chuleiin, Pathien ṭhungpha hmaah an um a nih, chun, a sûn a zânin a biekina chun a rawng an bâwl hlak a; lalṭhungphaa ṭhung chun an chungah puon in chu zâr a tih.

1 SAMUEL 2:2

Lalpa anga inthieng hi an um nawh; Nangma ang hrim an um si nawh; Ei Pathien ang lungpui hrim a um bawk nawh;