LUKA 2:14 - Pathien Lekhabu Inthieng (BSI)

¹⁴ “A chunghnungtakah Pathien ropuitakin um raw se, hnuoi chunga a ditsak mihriemhai kuomah, inremna thu inlêng raw se.” an ti a.

LUKA 2:14 ပူးပေါင်းရင်းမြစ်များ

ISAI 44:23

Aw vânhai, hlimtakin hla sak ro, Lalpain chu chu a thaw ta si a; leihnuoi hnuoitienghai, khêk ro, tlânghai, aw ramhnuoi le a sûnga thing um tinrênghai, hla sak suok phut ro: Lalpa chun Jakobhai chu ân tlan ta a, Israelhaia chun ân chawimawi ding a ni si a.

ISAI 49:13

Aw vânhai, hlimtakin hla sak ro; aw leihnuoi, hlimtakin um rawh; aw tlânghai, hla sak suok phut ro; Lalpa chun a mihai chu a thlamuon si a, a mi rinum tuorhai khawm chu a lunginsiet ding a ni si a.

ISAI 57:19

Kei chun hmûrhai ra ka siem hlak a, ‘Inremna, inremna, hlataka um kuoma le hnaitaka um kuoma chun um raw se,’Lalpain a tih, ama chu sukdam ka tih.

MIKA 5:5

Chun, hi hi ei inremna ding nîng a tih, Assuria mi chu ei ramah a hung a, ei lal inhai a hung sir pha chun ama do dingin berâmpu pasari le mi ropui pariet inthlangsuok ei tih.

MATTHAI 21:9

Chun, mipui a hma tienga fe le a zuihai chun, “David naupa kuomah Hosanna! Lalpa hminga hung chu inpâkin um raw se! Achunghnungtaka khin, Hosanna!” tiin an khêk a.

LUKA 1:79

Inthim lai le thina hlima inṭhunghai ên ding le, Thlamuongna lampuia ei kehai mîn pêntir dingin,” tiin.

LUKA 19:38

“Lalpa hminga hung chu inpâkin um raw se; vânah inremna inlêng sienla, achunghnungtaka khin ropuina um raw se,” tiin.

LUKA 2:13

Chun, kârlovin vântirko kuoma chun vâna mihai mipui an hung um ta huk el a, Pathien an inpâk a,

LUKA 2:15

Chun, vântirkohai chun vân tieng an fe san phingleh, berâm vêngtuhai chun, “Tuhin Bethlehem chenin fêng ei ta, Lalpain thu a mi hril hung tlung chu en ei tiu,” an ti a.

LUKA 3:22

Thlarau Inthieng chu taksa putin vaṭhu angin a hung ṭum a, a chungah a fu ta a; chun, vâna inthawkin râwl a hung suok a, “Nang ka Naupa dittak i nih; i chungah ka lâwm ngawt el,” a ta.

JOHAN 14:27

“Thlamuongna ka mâk pêk cheu hi; keima thlamuongna ka pêk cheu a; khawvêlin a pêk ang cheuin ka pêk naw cheu hi. In lungril lunginzîng naw raw se, ṭi khawm ṭi naw raw se.

JOHAN 17:4

Nangin thil thaw ding i mi pêk kha ka thaw zo ta a, khawvêla hin ka chawimawi ta che.

JOHAN 3:16

Pathienin khawvêl a hmangai bêk bêk a, chuongchun, a Naupa khât nei sun chu a pêk a, ama chu tûkhawm a ring taphawt chu an bohmang naw a, chatuona hringna an nei lemna dingin.

THILTHAWHAI 10:36

Ama chun thlamuongna Chanchin Ṭha Isu Krista baua hrilin Israel mipuihai kuomah thu ân phur a, (Isu chu mi po po Lal a nih).

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:1

Chuleiin, ringna leia thiem changa umin, ei Lalpa Isu Krista leiin Pathien le inremin ei um a;

EPHESI 1:6

a lunginsietna ropuizie chu Dittaka a thlâwna a mi pêk chu inpâk dingin.

EPHESI 1:9

a ditzâwng thurûk, a lungnizâwngtaka amaa thaw a itum chu eini kuomah mîn hriettirin,

EPHESI 2:4

Nisienlakhawm, Pathien chun lunginsietna a hauin, a mi hmangaina nasatak lei khan,

EPHESI 2:7

Chuongchun, hun la hung tlung dinghaia chun Krista Isua hin ei chunga ngilneiin, a lunginsietna nasatzie chu inentir thei a tih.

PHILIPPI 2:11

Pa Pathien sukropuina dingin, “Isu Krista chu Lal a nih,” tia lei tinrêngin a puongna dingin.

PHILIPPI 2:13

ama lâwmna dinga thaw tum ding le thaw dinga nangnia sin thawtu chu Pathien a ni si a.

KOLOSSA 1:20

a kraws thisen chun inremna hung siemin, amaa chun iengkim, ama ngeia chun hnuoia thil umhai le vâna thil umhai khawm, ama le inremtir hi.

2 THESSALONIKA 2:16

Chuongchun, ei Lalpa Isu Krista ngei le, Pathien ei Pa, a mi hmangaitu le lunginsietna leia chatuona thlamuongna le beiseina ṭha mi petu chun,

THUPUONGSUO 5:13

Chun, vân le hnuoi chung le, hnuoi hnuoi le, tuipui chunga thilsiem tinrêng umhai le, chuonghai sûnga um po pohaiin, “Lalṭhungphaa ṭhung le, Berâmte kuoma chun, Malsâwmna dâm, chawimawina dâm, Ropuina dâm, rorêlna dâm, Chatuonin um raw se,” an ti ka hriet bawk a.