LUKA 2:11 - Pathien Lekhabu Inthieng (BSI)

¹¹ Vawisûn hin in ta dingin David khuoah Sandamtu a pieng tah, Lal Krista chu.

LUKA 2:11 ပူးပေါင်းရင်းမြစ်များ

INṬANNA 3:15

nang le nuhmei hi indotir ka ti cheu a, i thlahai le a thlahai khawm lân dotir bawk ka tih; ama chun i lu la sukthitling a ta, nangin a kekhawng la sukthitling i tih,” a ta.

INṬANNA 49:10

Lal hmawl chu Judaa inthawk hin bo naw ni a, Rorêltu hmawl chu a ke kâra inthawkin bo naw bawk a tih; A neitu takpa a hung hmakhat chun; Hnam tinin ama thu awi an tih.

INPÂKNA HLABU 2:2

Hnuoia lalhaiin an ep huoi huoi a, Hotuhai khawm an inrâwn khâwm a, Lalpa le a hrieknâl chunga chun:

ISAI 9:6

Ei ta dingin naupang a hung pieng a, naupa pêkin ei um ta a; rorêlna chu a liengkoah chuong a ta, a hminga chun Remruottu Mak, Pathien Hrât, Chatuon Pa, Remna Lal an ti ding a ni si a.

MATTHAI 1:16

Jakobin Josef Mari pasal chu a thla a; chu Maria chun Isu Krista an ti hi a hung insieng ta a.

MATTHAI 1:21

Naupasal nei a ta, a hmingah Isu sak i tih; ama chun a mihai an thil suksuolnaa inthawkin a sandam ding a ni si a”, a ta.

MATTHAI 16:16

Simon Peterin, “Krista Pathien hring Naupa chu I nih,” a ta, a dawn a.

MATTHAI 16:20

Chu hnunga chun Krista a ni ti tukhawm hril lo dingin inchûktirhai chu a ti tlat a.

LUKA 1:43

Ka Lalpa nu ka kuoma i hung hi iengtizie am a na?

LUKA 1:69

A siehlaw David sûnghai lai chun, Sandamna ki a mi siempêk ta si a;

LUKA 2:26

Chun, Lalpa Krista chu a hmu hmakhat chu thi naw ni ti Thlarau Inthiengin a lo inhriettir ta hrim a.

LUKA 2:4

Josef khawm, David sûnghai le a thla a ni leiin, Galili rama Nazareth khuoa inthawka Judai rama David khuo Bethlehem an tia chun a fe a,

JOHAN 1:41

Ama chun a hmasatakin ama unau Simon a hmu a, a kuomah “Messie kan hmu tah,” a ta, (chu chu Krista tina a nih.)

JOHAN 1:45

Philip chun Nathanael a hmu a, a kuomah, “A chanchin Mosiein Dân lekhabua a ziek le, zâwlneihaiin an ziek kha, ama chu kan hmu tah, Nazareth Isu, Josef naupa chu,” a ta.

JOHAN 11:27

Ama chun a kuomah, “Ring e Lalpa, Krista, Pathien Naupa, khawvêla hung ding chu i ni ti ka ring ie,” a ta.

JOHAN 20:31

Nisienlakhawm, hieng hi, Isu chu, Krista, Pathien Naupa a nih ti in ringna ding le, in ring a, a hminga hringna in neina dinga ziek a nih.

JOHAN 4:25

Chun, nuhmei chun a kuomah, “Messie, Krista an ti chu a hung ding a nih ti ka hriet a, ama chu a hung phaleh iengkim mi la hril a tih,” a ta.

JOHAN 4:42

Chun, anni chun, nuhmei kuoma chun, “Tu zet hin chu i thu hril leia ring kan ni ta nawh; keini ngeiin a thu hril kan hriet ta a, hi mipa hi khawvêl Sandamtu a ni ngei ti kan hriet tah,” an ta.

JOHAN 6:69

Nang Pathien mi inthieng chu i nih ti kan awi ta a, hriet khawm kan hriet ie,” a ta, a dawn a.

JOHAN 7:41

Ṭhenkhatin, “Hi hi Krista chu a nih,” an ta. Ṭhenkhatin, “Khâwlai am Krista chu Galili ramah hung suok hlak a ta?

THILTHAWHAI 10:36

Ama chun thlamuongna Chanchin Ṭha Isu Krista baua hrilin Israel mipuihai kuomah thu ân phur a, (Isu chu mi po po Lal a nih).

THILTHAWHAI 13:23

“Chu thlahai laia chun Pathienin, thutiem ang peiin, Israelhai Sandamtu Isu a hung intlun a.

THILTHAWHAI 17:3

Krista chu rinum tuor ding a ni hrimzie dâm, mithi laia inthawka thonâwk ding a ni hrimzie dâm a hrilfie a; a suklang hlak a, “Hi Isu a thu ka hril cheu hi, ama chu Krista a nih,” a ti bawk hlak a.

THILTHAWHAI 2:36

“Chuongchun, Isu in hemde ngei kha, Pathienin Lal le Krista ni fâwmin a siem tah ti, Israel hnam tinin hre mawl raw hai se,” a ta.

THILTHAWHAI 5:31

Ama ngei kha Pathienin Lal le Sandamtua um dingin a changtieng a chawimawi tah, Israelhai suol insimtir ding le ngaidam dingin.

1 KORINTH 15:47

Mihriem hmasatak chu hnuoia mi pila siem a nih; mihriem pahnina chu vâna mi a nih.

PHILIPPI 2:11

Pa Pathien sukropuina dingin, “Isu Krista chu Lal a nih,” tia lei tinrêngin a puongna dingin.

PHILIPPI 3:8

A ni takzet el, ka Lalpa Isu Krista hrietna ropui bîk leiin, thil tinrêng khawm chânnaah ka ngai a nih; ama lei chun thil po po ka chân ta vawng a, chuongchu hnephnâwl ang chauah ka ngai a nih.

KOLOSSA 2:6

Chuleiin, Krista Isu, Lalpa chu in pawm ang khan amaa chun um ro.

1 JOHAN 4:14

Chun, Pain Naupa chu khawvêl sandamtua um dingin a hungtir ti ei hmu ta a, ei inhriettir a nih.

1 JOHAN 5:1

Tûkhawm Isu hi Krista a ni ti ring chu Pathien inei a nih; tûkhawm a neitu hmangai chun a inei khawm a hmangai hlak.