LUKA 19:46 - Pathien Lekhabu Inthieng (BSI)

⁴⁶ an kuomah, “ ‘Ka in chu ṭawngṭaina in nîng a tih,’ ti ziek a nih; nangni ruok chun suomhmanghai pûkah in siem lem hi,” a ta.

LUKA 19:46 ပူးပေါင်းရင်းမြစ်များ

INPÂKNA HLABU 93:5

I thuinhriettirhai chu ring a um êm êm a, Aw Lalpa, kumkhawtluongin, Inthiengna hi i in leh ân mawi a nih.

ISAI 56:7

anni ngei chu ka tlâng inthienga chun ṭhuoi ka ta, ka ṭawngṭâina inah sukhlim ka tih; pumrawhmanga an thilinhlânhai le an inthâwinahai chu ka maichâma chun lâwmin um a tih; ka in chu mi tinrêng ta dingin ṭawngṭaina in an ti ding a ni si a,” tiin.

JEREMIA 7:11

Hi in ka hming chawi hi in mithmua chun inruhai pûk a lo ni ta a ni maw? Ngai ta u, keiin, keima ngeiin ka hmu tah, Lalpa chun a tih.

EZEKIEL 43:12

Hi hi in dân chu nîng a tih; tlâng sîp chunga a huop chin chin chu hmun inthiengtak nîng a ta; Ngai ta, hi hi in dân chu nîng a tih.

HOSEA 12:7

Sumdâwngtu a na, a kutah bûkna indik naw a um a, Hlêm ngawt a châk hlak a nih.

MATTHAI 21:13

an kuomah, “ ‘Ka in chu ṭawngṭaina in tîng an tih,’ ti ziek a na, nangni ruok chun suomhmanghai pûkin in siem lem hlak a nih,” a ta.

MATTHAI 23:13

“Nisienlakhawm, nangni Dân inchûktirtu le Pharisai vervêkhai, in chung a rik; vân ram lampui chu mihai in khâr pêk si a; nangni hlak in lût si naw a, mi a lût dinghai khawm in inlûttir phal ngai si naw a.

MARKA 11:17

Chun, an kuoma chun, “ ‘Ka in chu hnam tin ta dinga ṭawngṭaina in tîng an tih,’ ti ziek a ni naw am a nih? Nangni ruok chun suomhmanghai pûkin in siem lem hi,” tiin ân chûktir ta a.