LUKA 19:42 - Pathien Lekhabu Inthieng (BSI)

⁴² “Aw, nang hin tuta sûng hin thlamuongna ding thu hi lo hre hrâm la chu aw! Nisienlakhawm, tuhin chu i hmu thei nawna dingin ân thup ta si a.

LUKA 19:42 ပူးပေါင်းရင်းမြစ်များ

INPÂKNA HLABU 32:6

Chuleiin, Pathien ngaisak mi taphawt chu zawnghmu awla i um laiin i kuomah ṭawngṭâi seng raw hai se; Tui lienhai chu a hung liem pha chun anni chu a chîm phâk vak nawna dingin.

INPÂKNA HLABU 81:13

Aw, ka mihai hin ka thu ngaiin, Israelhai hi ka lampuia hin fe hai sien chu aw!

ISAI 44:18

An hriet naw a, an ngaituo bawk nawh; ama chun an hmu thei nawna dingin ân sîmtir ta si a; an hrietthiem nawna dingin an lungril khawm a khârpêk ta a.

ISAI 48:18

Aw nangni hin ka thupêkhai chu lo ngai chu ni unla chu aw! In chungah inremna chu vadung ang ela umin, in felna chu tuipui infâwnhai ang elin a um ding bah;

ISAI 55:6

Hmu awla a um lai hin Lalpa chu zawng unla, a hnâi lai hin ko ro;

JEREMIA 13:17

Nisienlakhawm, in ngai naw chun, in chapona lei chun ka thla chu inrûkin ṭap a tih; Lalpa berâm ruol chu sala man an ni tâk leiin ka mit chu rinum titakin ṭap a ta, mitthliin luong thlâng a tih.

EZEKIEL 33:11

An kuoma chun, ‘Ka hring zing angin, Lalpa Pathien chun hieng hin a tih; mi rilo thinaa chun lâwmna ka nei naw a; mi rilo chu a um dân a bânsan a, a hring ruok chun lâwmna ka nei a; hung kîr ro, in lampui suola inthawk chun hung kîr ro; aw Israel sûngkuo, iengdingin am thîng in ta?’ ti rawh.

LUKA 19:41

Chun, a tlung ding ṭepin, khuo chu a hmu a, a ṭap ngha a,

LUKA 19:43

Hieng ang nihai hi i chungah a la tlung ding a ni si a; i râlhaiin i vêlin hnuoi kul siem an ta, inhuol an ti che a;

LUKA 19:44

i sûngah i nauhai le nang leh hnuoiah pei rak an ti che; i sûngah lung inthuo hrim hrim hla naw ni hai, an fang lai che i hriet naw leiin,” tiin.

THILTHAWHAI 10:36

Ama chun thlamuongna Chanchin Ṭha Isu Krista baua hrilin Israel mipuihai kuomah thu ân phur a, (Isu chu mi po po Lal a nih).

THILTHAWHAI 13:46

Chun, Paula le Barnaba chun huoitakin an hril dawk a, “Pathien thu hi nangni kuoma hril hmasak hrim ding a nih; nisienlakhawm, in lo dang kîr a, chatuona hring tlâk lova in inruot ta hnung chu, hre ro, Jentailhai kuom tieng ngha vê tâng kan tih.

DÂN PAHNINA 32:29

Var hai sien chu hieng hi hrethiem an ta, An tâwpna ding an ngaituo thiem ding bah.

DÂN PAHNINA 5:29

Chuong ang lungril chu put hlak hai sien chu aw, mi ṭîng an ta, ka thupêkhai chu zâwm rawp an ta, anni le an nauhai khawm kumkhawtluongin an tluongtlung hle ding bah!

HEBRAIHAI 3:13

“Vawisûn,” an ti sûng hin ni tinin infui tuo lem ro; chuong naw chun, nangni laia mi tûkhawm hi suol hlêmnaa sukngarin um rawi in tih.

HEBRAIHAI 3:15

“Vawisûn hin a râwl in hriet chun, An suknuor lai ang khan, In lungril sukngar naw ro,” an ti sûng po hin.

HEBRAIHAI 3:7

Chuongchun, Thlarau Inthieng hril ang bawkin, “Vawisûn hin a râwl in hriet chun,