LUKA 18:22 - Pathien Lekhabu Inthieng (BSI)

²² Chun, Isûn chu chu a hrietin a kuomah, “Tu khawm hin kawng khat i la bâk ie; i nei po po zawr la, pasiehai kuomah sem rawh, chuongchun, vânah ro nei i tih; chun, hung la, mi hung zui rawh,” a ta.

LUKA 18:22 ပူးပေါင်းရင်းမြစ်များ

INPÂKNA HLABU 27:4

Lalpa kuomah thil pakhat ka hni a chu mawl chu zawng ka tih, Lalpa mawizie hmu ding le a biekina thu indawn dingin, Ka dam sûng poa Lalpa ina ka um zing theina ding chu.

MATTHAI 19:21

Isûn a kuomah, “Ṭha famkima um i nuom chun, fe la, i nei chu zawr la, pasiehai kuomah pe rawh; chuongchun, vânah ro nei i tih; chun hung la, mi hung zui rawh,” a ta.

LUKA 10:42

thil pakhat chau a pawimaw; Mariin chan ṭha a thlang a, chu chu lâkpêk ding a ni nawh,” a ta, a dawn a.

LUKA 12:33

In nei taphawt chu zawr unla, pasiehai kuomah pe ro; vânah rukru fe nawnaah, hângthim fâk siet nawnaa chun, tangka ip hlui thei nawhai, ro inhmang thei nawhai, inkhâwl ro.

LUKA 16:9

“Ka hril cheu hi, sum tehlêmin in ta dingin ruolhai siem ro; sum a bohmang pha leh chatuona umnaa chun inumtira in umna dingin.

LUKA 18:21

Chun, ama chun, “Chuong thu po po chu naupangte ka ni laia inthawkin ka zâwm pei hlak,” a ta.

LUKA 18:23

Ama ruok chu chuong thu chu a hrietin a lungngai bêk bêk a, a hausak bêk leiin.

LUKA 9:23

Chun, ama bawkin mi po po kuomah, “Tûkhawmin mi zui a nuom chun mâni inhnâwlin, ni tin a kraws putin mi zui raw se.

PHILIPPI 3:13

Amiruokchu, hi thil pakhat hi ka thaw hlak Hnungtienga thil umhai chu theinghila hmatienga thil umhai chu banin,

2 PETER 3:8

Nisienlakhawm, dittakhai, hi thu bau khat hi theinghil naw ro, Lalpa ngai chun ni khat hi kum sâng khat ang a na, kum sâng khat khawm hi ni khat ang a nih, ti hi.