LUKA 17:34 - Pathien Lekhabu Inthieng (BSI)

³⁴ “Ka hril cheu hi, chu zân chun khum pakhatah mi pahni um an ta, pakhat chu fe hmangpuiin um a ta, pakhat chu mâksanin um a tih.

LUKA 17:34 ပူးပေါင်းရင်းမြစ်များ

INPÂKNA HLABU 26:9

Mi suolhai laia chun mi peisa naw la, Ka hringna khawm hi thisen insuo hmanghai lai chun la sa bawk naw rawh.

INPÂKNA HLABU 28:3

Mi rilohai le thil suksuolhai laia chun, Mi hnûkhmang sa naw rawh. Chuonghai chun an vênghai kuomah inremnna thu an hril hlak a, Nisienlakhawm, an lungrilhaia chun thil suksuolna a um zing si a.

ISAI 42:9

Ngai ta u, kha hma thilhai chu a hung tlung tah, thil tharhai ka hril a ni hi; an mâwng hmain an chanchin ka hril cheu a ni hi.

JEREMIA 45:5

Chun, nang chun i ta dingin thil ropuihai chu i zawng a ni maw? Zawng naw rawh, ngai ta, mihriem po po chungah thil ṭhanaw ka hung intlungtir ding a ni si a, Lalpa chun a tih; chun, i hringna ruok chu i fena tieng tiengah sanhim ka ti che,” tiin.

MATTHAI 24:25

Ngai ta u, ka hril lâwk ta cheu hi.

MARKA 13:23

Nangni ruok chu fimkhur ro, ngai ta u, iengkim ka hril lâwk ta cheu hi.

MARKA 14:29

Peter ruok chun a kuomah, “An rêngin lungnilovin um hai sienla khawm, kei chu um naw ning,” a ta.

LUKA 13:24

Chun, ama chun an kuomah, “Kawtkhâr chîna chun lût tum hrâm ro; ka hril cheu hi, mi tamtakin lût tum an ta, lût thei si naw ni hai.

LUKA 13:3

Ni lo e, ka hril cheu hi, nangni khawm in sim naw chun, chuong ang bawk chun bohmang vawng in tih.

LUKA 13:5

Ni lo e, ka hril cheu hi, nangni khawm in sim naw chun, chuong ang bawk chun bohmang vawng in tih,” a ta, a dawn a.

LUKA 17:33

“Tûkhawm a hringna humhim- na zawng taphawt chun chân a ta, tûkhawm a hringna chân taphawt chun humhim a tih.

LUKA 17:35

Nuhmei pahni bu râwtnawiin um an ta, pakhat chu fe hmangpuiin um a ta, pakhat chu mâksanin um a tih.

2 PETER 2:9

Lalpa chun, ama ngaisaktuhai chu thlêmnaa inthawka sansuok dân le, fel nawhai chu rorêl nia dingin hrem puma khêk dân a hriet;