LUKA 17:31 - Pathien Lekhabu Inthieng (BSI)

³¹ Chu ni chun tûkhawm a sum in sûnga uma, ama in chunga um chu, inchu dingin ṭum naw raw se; loa um chu hung bawk naw raw se.

LUKA 17:31 ပူးပေါင်းရင်းမြစ်များ

JOB LEKHABU (THE BOOK OF JOB) 2:4

Setan chun Lalpa chu a dawn a, “Vun aiah vun; anih, miin a thil nei po po chu a hringna dingin a pêk phal âwm hrim a nih.

JEREMIA 45:5

Chun, nang chun i ta dingin thil ropuihai chu i zawng a ni maw? Zawng naw rawh, ngai ta, mihriem po po chungah thil ṭhanaw ka hung intlungtir ding a ni si a, Lalpa chun a tih; chun, i hringna ruok chu i fena tieng tiengah sanhim ka ti che,” tiin.

MATTHAI 16:26

Mîn khawvêl hi a pumin nei sien, ama hringna chân si sienla, a ta dingin ieng am ṭhahnem a ta? Annawleh, mîn a hringna sikin ieng am pêng a ta?

MATTHAI 6:25

“Chuleichun, ka hril cheu hi, ‘Ieng am dâwnin ieng am fa tâng ka ta?’ tiin, in hringna thu le, ‘Ieng am silin bil ka ta aw?’ tiin, in taksa thu lungkham naw ro. Fâkding nêkin hringna a hlu lem a ni naw am a nih? Silfên nêkin taksa khawm a hlu lem a ni naw am a nih?

LUKA 21:21

Chu pha chun Judai rama umhai chu tlângahai tlân hmang raw hai se, a sûnga umhai chun suoksan raw hai se, rama umhai chu a sûngah lût naw raw hai se.