LUKA 17:3 - Pathien Lekhabu Inthieng (BSI)

³ “Fîmkhur ro, i unauin thil a suksuol chun kâwk rawh; ân sîr chun ngaidam rawh.

LUKA 17:3 ပူးပေါင်းရင်းမြစ်များ

INPÂKNA HLABU 141:5

Mi fel chun mi vaw raw se, lunginsietna nîng a tih; Mi kâwk raw se, lua hriek nâl ang nîng a tih. Ka luin nuom naw naw raw se, An rîtlonahai leiin ka ṭawngṭai pei ding a ni si a.

FESUOKNA 34:12

I chungah fimkhur rawh, chuong naw chun i fêna tieng ram hluotuhai leh thuthlung siem rawi i ta, nangni laia châng ni rawi a tih.

THUVARHAI 17:10

Kâwkna hi hrietna nei mia chun a lût thûk lem, Invêt vawi za khat vuok nêk hmanin.

THUVARHAI 27:5

Phuongphotaka inkâwkna hi a ṭha lem, Hmangaina inthup nêk chun.

THUVARHAI 9:8

Hmusittu chu kâwk naw rawh, chuong naw chun, theida rawi a ti che. Mi var chu kâwk la, ama chun hmangai a ti che.

LEVI DÂN 19:17

I lungrilin i unau i theida ding a ni nawh, i tuolbâwm chu i kâwk ngei ding a nih, a suolnaa în thiengna dingin.

MATTHAI 18:21

Chu lai chun Peter a hung a, a kuomah, “Lalpa, ka unauin vawi ieng zât am ka chungah thil suksuol sien la ka ngaidam ding? vawi sari chen ding am a nih?” a ta.

LUKA 21:34

“Amiruokchu, fîmkhur ro, chuong naw chun, fâk khawp taluo leh, zu inrui leh, dam sûng khawsak ngaituo leh in lungril sip taluo hlau a ta, chu ni chun châng âwk angin kârlovin in chungah hung tlung phut a tih.

EPHESI 5:15

Chuongchun, mi varnawhai anga um lovin, mi varhai anga um lemin, in um dânah fîmkhur ro.

DÂN PAHNINA 4:15

“Chuleiin, fîmkhur hle ro; Horeb tlânga meia inthawka Lalpain a hung biek ni cheu khan hmêlhmang iengkhawm in hmu si naw a;

DÂN PAHNINA 4:23

Fimkhur hle ro, chuong naw chun, Lalpa in Pathien thuthlung in kuoma a thlung chu theinghil rawi in ta, Lalpa in Pathienin ieng angpui khawma siem a phal naw milimhai dâm insiem fâwm pal rawi in tih.

DÂN PAHNINA 4:9

Chuleiin, fîmkhur unla, nguntakin inenkawl phawt el ro, chuong naw chun, in mita in thil hmuhai chu theinghil in ta, in dam sûngin in lungrila inthawk chun bo hlau rawi a tih; in nauhai le in tuhai chen khawm inchûktir hlak ro.

HEBRAIHAI 12:15

Fimkhur takin en ro, Pathien lunginsietna chu tûkhawma in chân nawna dingin, chuong naw chun khâkna zung hung inder suoka sukbuoi cheuin, chu chun mi tamtak sukpawrchein an um hlak.

JAKOB 5:19

Ka unauhai, nangni laia mi tûkhawm thutaka inthawk chun inhmang sienla, chun, tuin amanih innghat kîrtir sienla,

2 JOHAN 1:8

Ei thaw suok sahai kha in inhmang naw a, a man chu a kima in hmu thei lemna dingin invêng ṭha ro.