LUKA 17:26 - Pathien Lekhabu Inthieng (BSI)

²⁶ “Noa dam laia thil umzie ang khan, Mihriem Naupa a hung nâwk nihai chun um bawk a tih.

LUKA 17:26 ပူးပေါင်းရင်းမြစ်များ

INṬANNA 6:5

Chun, Lalpa chun hnuoia hin mihriem suolzie chu nasatak a nih ti le, a lungril ngaituonahai hrim hrim chu suol ruok a nih ti a lo hriet a.

INṬANNA 6:7

Chuongchun, Lalpa chun, “Ka mihriem siem hi hnuoi chunga inthawk hin sukbohmang el ka tih, mihriem dâm, sa dâm, thilhring dâm, chunglêng vate dâm chen hin; ka lo siem ta leiin kân sîr a nih,” a ta.

INṬANNA 6:8

Noa ruok chun Lalpa lunginsietna a chang a.

ISAI 22:13

nisienlakhawm, ngai ta, hlimna le lâwmna dâm, bâwng thatna le berâm thatna dâm, sa fâkna le uoin dâwnna dâm a um ta lem a. “Fain dâwn ei tiu khai, zinga chun ei thi el ding a ni si a,” an ti a.

LUKA 17:22

Chun, inchûktirhai kuoma chun, “Mihriem Naupa dam lai nihai ni khat bêk hi in hmu nuom nihai la um a tih; nisienlakhawm, hmu ta si naw ti niu.

LUKA 17:24

kâwlkawdawng khing tienga kâwl ân lep a, kâwlkawdawng khing tieng chenah a var hlak ang hin, Mihriem Naupa hi a hung ni chun a um ding a ni si a.

LUKA 17:27

Noa lawngah a lût a, tui a hung lêt a, an rênga a sukhlum vawng ni kha a tlung hmakhat chun, an fâkin an dâwn a, nuhmei pasal an innei hlak.

LUKA 17:7

“Nisienlakhawm, nangni laia tûkhawm hnuoi inletin amanih, berâm vêngin amanih, suok nei sienla, a lo fe hung pha, ‘Bu hung fa nghâl rawh,’ a lo ti ding am a nih?

LUKA 18:8

Ka hril cheu hi, an phuba chu lapêk vak a tih. Nisienlakhawm, Mihriem Naupa hi a hung pha chun khawvêlah ringna a hung hmu ding am a nih?” a ta.

HEBRAIHAI 11:7

Ringnain Noa chu thil la hung inlang lohai kawng thuah Pathien hrila lo umin Pathien ṭidêkin, ama sûngkuo sandamna dingin lawng a tuk a; chu chun khawvêl chu thiemnaw ân changtir ta a, ringna leia felna um ro chu hluotu a lo ni ta a.

2 PETER 2:5

Chun, ama ngaisaknawhai umna, khawvêla khan tui suklêtin, tienlai khawvêl chu a hla naw a, nisienlakhawm, Noa, felna thu hriltu, mi dang pasari leh a sandam ta a.

2 PETER 3:6

chu tuihai vêk chun chu laia khawvêl um chu a chîm a, a bohmang ta a, ti hi;