LUKA 17:24 - Pathien Lekhabu Inthieng (BSI)

²⁴ kâwlkawdawng khing tienga kâwl ân lep a, kâwlkawdawng khing tieng chenah a var hlak ang hin, Mihriem Naupa hi a hung ni chun a um ding a ni si a.

LUKA 17:24 ပူးပေါင်းရင်းမြစ်များ

EZEKIEL 1:14

Chun, thilhringhai chu kâwl inlep var inkhaw ang hin an tlân a, an kîr nâwk a.

ZEKARIA 9:14

Lalpa chu anni chunga chun hmu nîng a ta, a thal chu kâwlinlep angin fe suok a tih; chun, Lalpa Pathien chun tawtawrâwt chu mût a ta, simtieng thlivir le chun fêng a tih.

MATTHAI 24:27

Kâwl saktieng a hung inlep a, thlangtieng chen khawmin ân lang hlak. Mihriem Naupa hung nâwkna chu chuong ang chu a ni ding a ni si a.

MATTHAI 24:30

Chu phâ chun Mihriem Naupa inchikna chu vânah inlang a ta, chun, hnuoia um chi tinin an âwmhai chum an ta, Mihriem Naupa hi thilthawtheina le ropuina nasatak leh vân sûm chunga hung hmûng an tih.

MATTHAI 25:31

“Mihriem naupa ruok chu a vântirkohai po po leh a ropuinaa inthuoma a hung phâ chun, a ropuina ṭhungphaah ṭhung a ta;

MATTHAI 26:64

Isûn a kuomah, “I hril ang chun ka nih; chu nawa khawm, ka hril cheu hi, hi hnung leh Mihriem Naupa hi thilthawtheina changtienga ṭhunga, vân sûm chunga hung in la hmu ding a nih,” a ta.

MATTHAI 5:15

Mîn khâwnvar sitin leikhâwr hnuoiah an sie ngai nawh; a sienaah an sie lem hlak; chuongchun, in sûnga mi po po a ên hlak.

1 KORINTH 1:8

Ama chun ei Lalpa Isu Krista niah sawisêlboa in um theina dingin a tâwp chenin sukdet bawk a ti cheu.

1 THESSALONIKA 5:2

Lalpa Ni chu zâna inru angin a hung tlung ding a nih ti nangni ngeiin chiengtakin in hriet si a.

2 THESSALONIKA 2:2

“Lalpa Ni chu a tlung zing tah,” tina thlarau leiin amanih, thu leiin amanih, kan kuoma inthawka lekhathawn ang leiin amanih, in lungril inhnîng el nawna ding le in buoi bawk nawna dingin kan ngên cheu a nih.

2 THESSALONIKA 2:8

Lâk hmang a ni pha chun Dân Bawsepa chu hung inlang nghâl tâng a tih. Lalpa Isun ama chu a baua thuokin sukhlum a ta, a hunga inlârnain sukbohmang a tih.

JAKOB 5:8

Nangni khawm seltakin um ro; in lungril sukdet ro; Lalpa hungna chu a hnai ta si a.

2 PETER 3:10

Nisienlakhawm, Lalpa ni chu inru angin hung tlung ngei a tih; chu nia chun vânhai chu nasataka inriin bohmang a ta, thil bulhai chu meia emhmangin um tâng a ta, hnuoi le a sûnga sinthaw umhai hi kâng hmang a tih.