LUKA 16:15 - Pathien Lekhabu Inthieng (BSI)

¹⁵ Chuongchun, ama chun an kuomah, “Mi mithmua insukfel el in nih, nisienlakhawm, Pathienin in lungril a hriet si a; mihriem laia an ichawimawi chu Pathien mithmua chun tirdakumtak a nih.

LUKA 16:15 ပူးပေါင်းရင်းမြစ်များ

1 CHANCHIN SUINA 29:17

Ka Pathien, nang chun lungril chu i fie hlak a, felnaa chun lâwmna i nei ti khawm ka hriet a. Keia ngai chun, keia lungril tluongtakin hieng thilhai po po hi ka lo inhlân ta a; tuhin, i mihai hitaka umhai hin phaltaka i kuoma inhlân dingin anni chu hlimtakin ka hmu a nih.

2 CHANCHIN SUINA 6:30

i umna vâna inthawk chun nangin lo hre la, ngaidam la, mi tin chu, a lungril chu nangin i hriet a, a lampuihai ang po po ngei chun nangin inhmutir rawh; (nang chun, nang chauin mihriem nauhai lungril chu i hriet si a;)

INPÂKNA HLABU 10:3

Mi rilo chun a lungril thil dit zâwng chu a suong hlak a. Mi duâm chun Lalpa chu a peithlâk a, a hmusit hlak.

INPÂKNA HLABU 49:13

Invêttaka mâni inringzohai chan, Mâni sumneia lungawi elhai tâwpna chu hi hi a nih:

INPÂKNA HLABU 49:18

A dam laiin insukengthâwl sienla khawm, (A hlawtlingna leiin mi inpâk hlaw sien khawm).

INPÂKNA HLABU 7:9

Aw mi rilohai rîtlona chu hung tâwp ta sienla, mi felhai ruok chu sukdet rawh. Pathien feltak chun lungrilhai le lungvarhai chu a fie hlak si a.

THUVARHAI 16:5

Lungrila chapo taphawt chu Lalpa ta dingin tirdakum a nih, Ama chu hrem naw ni naw nih.

THUVARHAI 20:6

Mi tamtak chun mâni ṭhatna hril seng an ta, Mi ringum ruok chu tuin am hmu suok thei a ta?

THUVARHAI 21:2

Mihriem lampui tin el chu ama mithmua chun ân dik a, Amiruokchu, Lalpa chun lungril chu ân khi hlak a nih.

JEREMIA 17:10

Kei Lalpa hin lungril chu ka zawng suok hlak a, mi tin chu a thilthawhai ra ang pei le, a lampuihai ang peia pêk dingin an inthununna chu ka fie bawk a.

MALAKI 3:15

Tuhin mi chapohai chu hamṭha ei ti a ni hi: anih, khawhlona thawtuhai chu tungding an na; anih, Pathien an fie a, sansuok khawm an ni hi,’ in ti a,” tiin.

MATTHAI 23:5

An thilthaw po po chun mihriem hmu dingin a nih an thaw lem hlak; an iengkhat bunhai le khumhai chu an suklien a, an puon hmawrkai an sukbuk hlak a;

MATTHAI 6:16

“Bu in nghei pha khawmin, mi vervêkhai angin ngui hmêl put naw ro; anni chun mi mithmua bungheia an inlang theina dingin an hmêl an sukpawr hlak si a. Titakzetin ka hril cheu hi, an lâwmman chu an hmu zo tah.

MATTHAI 6:2

Chuongchun, mi kuoma thil i pêkin, mi vervêkhaiin mi inpâk an hlaw theina dinga, inkhâwmna inhaia le, kawtthlêrhaia an thaw hlak angin, i hmaah tawtawrâwt inmûttir naw.

MATTHAI 6:5

“Chun, in ṭawngṭaiin, mi vervêkhai angin in thaw ding a ni nawh, mîn an hmu theina dingin, inkhâwmna inahai, kawtthlêr ṭhuom laitakahai ngir puma ṭawngṭai an ngaina si a. Titakzetin ka hril cheu, an lâwmman chu an hmu zo tah.

LUKA 10:29

Ama ruok chun thiem inchangtir a tum a, Isu kuomah, “Anleh, ka vênghai chu tuhai am an na?” a ta.

LUKA 11:39

Chun, Lalpa chun a kuomah, “Nangni Pharisaihaiin no le thlêng puo tieng chu in sâwp fai hlak luo a; in sûng tieng ruok chu hlêprûkna le suolin a sip si a.

LUKA 18:11

Pharisai chu a ngîr a, ama khât chauin hieng ang hin a ṭawngṭai a, ‘Pathien, mi dang hlêpruhai, fel nawhai, uirehai ang ka ni naw lei le, hi siedâwltu ang khawm hi ka ni naw leiin i chungah ka lâwm ie.

LUKA 18:14

Ka hril cheu hi, a hmasa nêkin ama lem chu thiem changin a inah a fe thla ta lem a. Inngaihlu taphawt tlâwm an ta, inngaitlâwm taphawt chu chawimawiin um an tih,” a ta.

LUKA 18:21

Chun, ama chun, “Chuong thu po po chu naupangte ka ni laia inthawkin ka zâwm pei hlak,” a ta.

LUKA 18:9

Chun, mi feltak ni inringa, mi dang po po hmusit hlak, tuhai amani kuoma khawm chun hi tekhithu hi a hril a:

LUKA 20:20

Chun, ama chu Bawrsâp rorêlna le thuneinaa pêk dingin, a thu hril suol la dingin an inchân zing a, enthlittu, mi ṭha anga inlang tehlêmhai chu an tir a.

LUKA 20:47

hmeithai sum an fâk a, tlâng hlêmna dingin sâwt tak an ṭawngṭai hlak; chuonghai chun thiemnaw chang nasa zuol an tih,” a ta.

JOHAN 2:25

Mihriem thu tukhawm ihril a ngai nawh, ama chun mihriem sûnga um taphawt chu a hriet si a.

JOHAN 21:17

A vawithumnaa chun, “Simon, Johan naupa, nangin kei i mi ngaina am?” a ta. Chun, a vawithumnaah “Nangin i mi ngaina am,” a kuoma a ti lei chun Peter a lungngai a, a kuomah, “Lalpa, iengkim i hriet a, ka ngaina che ti i hriet,” a ta. Isûn a kuomah, “Ka berâmhai châwm rawh.

THILTHAWHAI 1:18

(Chun, ama chun a suol manin hmun pakhat ân châwk a, a letlingin a tla a, a laiah a puok kawi a, a rîl po po a ṭê vawng a.

THILTHAWHAI 1:24

Chun, an ṭawngṭai a, “Lalpa, Nang mihriem po po lungril hretu, hienghai hi a tu lem am i thlang mîn hriettir la;

THILTHAWHAI 15:8

Chun, lungril hretu Pathienin eini a mi pêk ang bawk khan, Thlarau Inthieng an kuoma pe vein, an chungah a lâwm ti ân hriettir a;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:20

Chuongchun, mi tukhawm Dâna thilthaw leiin a mithmuah thiem changin um naw ni hai; Dân leiin suol hriet famkimna a hung um a ni si a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:27

Chun, Pathien dit zâwng ang peiin mi inthienghai chu a ṭawngṭai pêk hlak leiin, lungrilhai entu chun Thlarau dit zâwng chu a hriet hlak a nih.

1 KORINTH 4:5

Chuongchun, a hun hma hin iengkhawm fie naw ro, Lalpa hung hmakhat chu, ama chun inthima thil thuphmanghai chu varah hung la suok a tih, lungrila tumhai khawm chu suklang bawk a tih; chu pha chun mi tinin Pathien kuoma chun an chantâwka inpâkna hlaw seng tâng an tih.

1 PETER 3:4

lungrila mihriem thupa um, lungril thuhnuoirawl le nuninnêm silfên se thei lova inthuom ni lem raw se, chu chu Pathien mithmu chun a hlu bêk bêk a nih.

1 PETER 5:5

Chuong ang bawkin, nangni tleirâwl deuhai, upahai kuomah intuklût ro. Anih, in rêngin rawng inbâwltuo seng dingin thuhnuoirawlnain inthuom ro; Pathienin chapohai a kal a, inngaitlâwmhai ruok chu lunginsietna a pêk hlak si a.

THUPUONGSUO 2:23

A nauhai chu hriin sukhlum ka ta; chuongchun, kei lungril le lungvar entu ka ni ti kohranhai po po chun hrieng an tih; chun in thaw ang peiin pe seng ka ti cheu.

1 SAMUEL 16:7

Nisienlakhawm, Lalpa chun Samuel kuoma chun, “A hmêl tieng amanih, ân sang tieng amanih en naw rawh, ama hi chu ka dit naw a nih, Lalpa chun mihriem en dân angin a en ve si naw a, mihriem chun puotienga inlang dân an en hlak a, Lalpa ruok chun lungril tieng a en lem hlak a nih,” a ta.