LUKA 16:14 - Pathien Lekhabu Inthieng (BSI)

¹⁴ Chun, Pharisai tangka ngainatuhai chun chuong thu chu an hriet a, an nuisan a.

LUKA 16:14 ပူးပေါင်းရင်းမြစ်များ

INPÂKNA HLABU 119:51

Chapohai chun nasatakin an mi nuizat a, Nisienlakhawm, i dân chu ka fe pêtsan nawh.

ISAI 53:3

Ama chu mihriemhai hmusit le dit nawin a um a; lungngainahai nei mi le natna hre mi a na, mihaiin an hmai an hipsan ang ang chun ama chu hmusitin a um a, eini hlak chun ama chu ei ngaisâng si nawh.

ISAI 56:11

Anih, uihai chu duâmtak an na, huntâwk ti hrim an nei ngai nawh; chuong chu berâm vêngtu thil hre theilohai an na, mâni lampui pei, mâni hlâwkna tieng seng, an ngha vawng tâwl, an rêng elin.

JEREMIA 6:13

Anni laia a chîn taka inthawka anni laia a lien tak chenin, inîtthîk tuonain an sip a; zâwlneihaia inthawka thiempuhai chen khawmin, mi tin el chun indik lotakin an thaw a.

JEREMIA 8:10

Chuleiin, an nuhmeihai chu mi danghai kuomah pêng ka ta, an lohai chu a neitu dinghai kuomah pêng ka tih; mi tin el chu a chîn taka inthawka a lien tak chenin, inîtthîknain an sip si a; zâwlneia inthawk thiempu chenin indik lotakin an thaw bawk a.

EZEKIEL 33:31

Mipuihai chu an hung angin i kuoma chun anni chu an hung a, ka mihai angin i hmaa chun an ṭhung a, i thuhai chu an ngai a, amiruokchu, thaw si lovin; an bau chun nasatakin hmangaina an inlangtir a, amiruokchu, an lungrilhai chun an hlâwkna chu a hnawt si a.

MATTHAI 23:13

“Nisienlakhawm, nangni Dân inchûktirtu le Pharisai vervêkhai, in chung a rik; vân ram lampui chu mihai in khâr pêk si a; nangni hlak in lût si naw a, mi a lût dinghai khawm in inlûttir phal ngai si naw a.

MATTHAI 9:24

“Suok ro, naupang chu a thi nawh, a in a ni lem in sawnnaw,” a ta. Anni chun ama chu an nuisan ta a.

LUKA 12:15

Chun, an kuomah, “Fimkhur unla, inhnarna hrim hrima inthawk chun invêng ro, sum hau hi mihriem dam san a ni nawh,” a ta.

LUKA 20:47

hmeithai sum an fâk a, tlâng hlêmna dingin sâwt tak an ṭawngṭai hlak; chuonghai chun thiemnaw chang nasa zuol an tih,” a ta.

LUKA 23:35

Chun, mipuihai chun ngîrin an thlîr a. Chun, hotuhai khawmin, “Mi dang hman a sukdam hlak annâwm; Pathien ithlang Krista a ni zet chun ama le ama insukdam ta sienla,” tiin an ti-el a.

LUKA 8:53

Chun, a thi tain an hriet zing si a, an nuisan el a.

2 TIMOTHE 3:2

Mi mâni inhmangaitu dâm, tangka ngainatu dâm, intivei dâm, chapo dâm, Pathien hrilsetu dâm, nu le pa thuawi naw dâm, lâwm nachâng hre naw dâm, inthieng naw dâm,

HEBRAIHAI 11:36

Mi dang khawmin suknawmnat le vuokhai an tuor a, anih, chu naw khawm chu kawlbun le intângna ina khum dâm an tuok bawk a,