LUKA 15:29 - Pathien Lekhabu Inthieng (BSI)

²⁹ Nisienlakhawm, ama chun a pa kuomah, ‘Ngai rawh, kum hieng chen hi i rawng ka bâwlpêk che a, i thu hlak hi ka awi naw ngai si naw a, ka ruolhai le hlimna ka siemna dingin kêltê khawm i mi pêk ngai si nawh.

LUKA 15:29 ပူးပေါင်းရင်းမြစ်များ

ISAI 65:5

“Nanga khât chauin ngîr rawh, mi hung hnai naw, nanga nêk chun kân thieng lem hi,” ti hlaktuhai chu an nih; chuonghai chu ka hnâra meikhu um, sûnnithlâka mei hring zing hlak chu a nih.

ZEKARIA 7:3

sipaihai Lalpa thiempuhai kuoma le zâwlneihai kuoma chun, “Kum khâng chena ka lo thaw ta hlak ang khan, keima chu insuktumin, thla kuonaa hin ka ṭap ding am a nih,” tia indawn dingin an tir a.

MALAKI 3:14

Nangni chun, ‘Pathien rawngbâwl hi a thlâwn el a nih: a thupêk ei pawm a, sipaihai Lalpa hmaa lungsetaka ei fe hi ieng am a ṭhathnemna a um a?

MATTHAI 20:12

‘Hieng a nuhnungtakhai hin darkâr khat chau an thaw a, keini sûn rinum le khawsa dotuhai tlukin i siem si a,’ an ta.

LUKA 15:28

Chun, a lunginsen a, a lût nuom ta naw a; chun, a pa a hung suok a, a thlêm a.

LUKA 15:30

Nisienlakhawm, hi i naupa nawchizawrhai kâwla i sum fa zo vawngtu hi a hung phingleh ama ta dingin sebâwngtê thâutak kha i lo thatpêk vei a,’ a ta, a dawn a.

LUKA 15:7

Ka hril cheu hi, chuong ang bawk chun, mi fel sâwmkuo le pakuo sim chuong ding nei nawhai chunga nêkin mi suol pakhat sim chunga hin vânah lâwmna um lem a tih.

LUKA 17:10

Chuong ang bawkin, nangni khawmin in kuomah thupêk ang po poa in thaw zo phaleh, ‘Suok ṭhahnem naw kan ni ie; kan thaw ding hrim kan thaw a nih,’ ti ro,” a ta.

LUKA 18:9

Chun, mi feltak ni inringa, mi dang po po hmusit hlak, tuhai amani kuoma khawm chun hi tekhithu hi a hril a:

LUKA 19:21

mi vîntak i ni leiin ka ṭi che a nih; i sie naw khawm i lâk hlak a, i tu naw khawm i sîk hlak si a,’ a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:3

Pathien felna hre lovin, anni felna sukdet an tum a, Pathien felnaah an inpêk lût si nawh.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:20

Chuongchun, mi tukhawm Dâna thilthaw leiin a mithmuah thiem changin um naw ni hai; Dân leiin suol hriet famkimna a hung um a ni si a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:27

Insuongna chu khâwlai am a um leh? A puo tienga khâr nelin a um tah. Ieng dânin am a na? Thilthaw dânin am a nih? Ni lo e, Ringna dânin a ni lem.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 7:9

Chun, kha hma khan kei dân nei lovin ka hring a; nisienlakhawm, thupêk chu a hung um phingleh suolna chu a hung har a, kei chu ka thi ta a.

THUPUONGSUO 2:17

Thlarauin kohranhai kuoma thu a hril hi na nei chun hre raw se. A hnetu taphawt kuom ngeia chun manna thuphmang laia kha pêng ka ta, lung vâr khawm pêng ka tih, chu lung chunga hming thar ziek leh; chu hming chu a changtu chau naw chun tûkhawmin an hriet nawh, a tih,’ tiin.

THUPUONGSUO 3:17

‘Ka hausa a, sum ka hau a, iengkhawm ka tlasam nawh,’ i ti lei le, nang mi rimsi, lungsietum, pasie, mitdel, saruok chu i ni ti în hriet naw leiin,