LUKA 15:24 - Pathien Lekhabu Inthieng (BSI)

²⁴ hi ka naupa hi a thi a, a hung hring nâwk tah a ni hi; ân hmang a, ei hmu nâwk tah a ni hi,’ a ta. Chuongchun, hlimtakin an um ṭan ta a.

LUKA 15:24 ပူးပေါင်းရင်းမြစ်များ

INṬANNA 45:28

chun, Israel chun, “A hun tah ie, ka naupa Josef chu damin a la um a ni tak tak hi: ka thi hmain ama zu hmûng ka tih,” a ti ta a.

ISAI 35:10

chun, Lalpa intlanhai chu kîr nâwk an ta, hla sak pumin Zion chu tlung an tih; chatuona lâwmna an lu chungah um tâng a ta, hlimna le lâwmna hmûng an tih, lungngaina le inrûmna chu bo tâng a tih.

ISAI 66:11

in nêk, a thlamuongna nêneahai chun in tlai theina ding le, in nêk daa, a ropuina tamtaka chun in lâwm theina dingin,” ti hi.

EZEKIEL 34:16

A lo inhmang ta chu zawng ka ta, hnawt hmanga lo um ta khawm chu hung ṭhuoikîr nâwk ka tih; sukthlieka um ta chu tuom ka ta, damnawa um khawm chu sukhrât bawk ka tih; a thâu le a hrât chu suksieng ka ta; anni chu rorêlnain châwm ka tih.

EZEKIEL 34:4

A hrât naw chu in sukhrât naw a, a na khawm chu in sukdam bawk naw a; a tliek khawm chu in tuom naw a, khal hmanga um ta khawm chu in hung ṭhuoi nâwk bawk nawh, ân hmang khawm chu in zawng bawk nawh; amiruokchu, thawluina le, hrohrângsetakin an chungah ro in rêl a.

MATTHAI 8:22

Nisienlakhawm, ama chun a kuomah, “Mi zui rawh, mithiin anni mithi chu vui raw se,” a ta.

MARKA 8:22

Chun, Bethsaida chu an hung tlung a. Chun, a kuomah mitdel an hung ṭhuoi a, ama chu them dingin Isu an ngên a.

LUKA 10:19

Ngai ta u, rûlhai le ainuvêthai sirdena thu le, hmêlma thuneina po po letthlâkna thu ka pêk cheu hi; iengkhawmin sukna naw tawp a cheu.

LUKA 15:23

sebâwngte thâu tak kha hung la unla, that ro, hlimtakin fâng ei tiu;

LUKA 15:25

“Chun, a naupa upa lem chu loah a um a; chun, in a hung tlung tâwm chun iengkhat mûtrîk le lâm ri a hriet ta a.

LUKA 15:32

Hlimtak le lâwmtaka um ding a ni hrim annâwm; hi i sang hi a thi a, a hung hring nâwk ta a; ân hmang a, ei hmu nâwk tah a ni si a,’ a ti a,” a ta.

LUKA 15:4

“Nangni lai tûkhawmin berâm za nei sienla, an laia pakhat inhmang ang sienla, thlalêrah sâwmkuo le pakuohai chu mâksanin ân hmang chu a hmu nâwk hmakhat tûin am zawng nâwng a ta?

LUKA 19:10

Bohmanghai zawnga sandam dingin Mihriem Naupa hi a hung a ni hrim a nih,” a ta.

LUKA 9:60

Isu ruok chun a kuomah, “Mithiin anni mithi chu vui raw se; nang chun Pathien ram thu va hril dar lem rawh,” a ta.

JOHAN 11:25

Chun, Isûn a kuomah, “Kei hi thonâwkna le hringna chu ka nih; tûkhawm a mi ring chu thi sienla khawm hring zing a tih;

JOHAN 5:21

Pain mithihai a keithoa a sukhring hlak angin, Naupa khawm- in a nuom nuom a sukhring hlak.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:15

Anni pei thlâkna hman khawvêl ta dinga inrem nâwkna a ni chun, anni lâwm nâwkna ding chu, thinaa inthawka hring nâwkna naw chu ieng am ning a ta ?

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:15

Lâwmhai chu lâwmpui unla, ṭaphai chu ṭappui ro.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:11

Chuong ang bawkin, nangni khawm suol tieng kawngah thi taah inngai unla, Pathien tieng kawnga ruok chun Krista Isua chun hringah inngai ro.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:13

In taksa pênghai khawm fel nawna hriemhrei dingin suolna kuomah pe phal bawk naw ro; nisienlakhawm, mithi laia inthawka hring nâwk angin Pathien kuomah inpe unla, in taksa pênghai khawm chu felna hriemhrei dingin Pathien kuomah pe phal lem ro.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:2

Krista Isua Hringna Thlarau dân chun suolna le thina dâna inthawk chun a mi sansuok ta si a.

1 KORINTH 12:26

Chuongchun, pêng khatin a tuor chun, pêng po poin an tuorpui hlak, pêng khat chawimawia a um chun, pêng po poin an lâwmpui hlak.

EPHESI 2:1

Nangni khawm in bawsiet le in suolhai leia thi in ni lai khan, a sukhring cheu a nih,

EPHESI 2:5

ei bawsietna leia thi ei ni lai meu khawmin, Krista ruolin a mi sukhring ve a, (lunginsietnaa sandam in ni tah),

EPHESI 5:14

suklanga um taphawt chu var a ni si a. Chuleiin, “Nang a in! meng la, Mithi laia inthawkin tho rawh. Chuongchun, Krista chun, Hung ên var a ti che,” a ti kha.

KOLOSSA 2:13

Chun, nangni bawsietnahai le tisaa sertan nâwna leiin thi in lo ni a, nangni ngei chu ama leh a sukhring cheu in ni kha. Ei bawsietnahai po po a mi ngaidam a.

1 TIMOTHE 5:6

Nisienlakhawm, hmeithai mâni inhawitirna ngawta inpe chu, a dam lai khawm a thi a nih.

JUDA 1:12

Chuonghai chu, zakmawtaka an insukhlimtuona leiin, hmangaina ruoi in ṭhenaa chun, in hmêlsietna an nih; mâni hmakhuo chau ngai mi an ni a; sûm tui painaw, thli imût lênghai an nih; favânga thing ra naw, vawi hni thi tah, a zung puma phawi dawk tahai an nih;

THUPUONGSUO 3:1

Chun Sardisa kohran tirko kuoma chun hieng hin ziek rawh: “ ‘Pathien Thlarau pasari le arasi pasari nei khan hieng thu hi a hril a nih: I thil thawziehai ka hriet, thi zing si a, hring hming i put hi.