LUKA 14:23 - Pathien Lekhabu Inthieng (BSI)

²³ Chun, a puin suok kuoma chun, ‘Suok la, lamlienahai, khawhnâwmahai fe la, ka in sipna dingin mî hung thlêm lût hrâm rawh.

LUKA 14:23 ပူးပေါင်းရင်းမြစ်များ

INPÂKNA HLABU 110:3

I mihai chu i thilthawtheina nia chun mâni nuomthuin an inpêk hlak a, Inthieng mawinaah, zîngkâr phîng sûnga inthawkin, I tleirâwl daidaw chu i nei a.

INPÂKNA HLABU 98:3

Israel sûnghai chunga a ngilneizie le, a ringumzie chu a hriet zing a, Kâwlkawdawnga mi po po khawmin ei Pathien sandamna chu an hmu tah.

ISAI 11:10

Chun, chu nia chun, Jessai zung, mi tin inchikna dinga ngîr chu ama ngei chu hnam tinin râwn an ta, a châwlna hmun chu ropui a tih.

ISAI 27:13

Chu nia chun tawtawrâwt lientak mût an ta; chuongchun, Assuria rama bohmang vâng vânghai le, Aigupta rama hnawtdawka umhai chu hung an ta; Jerusalem khuoa tlâng inthienga chun, Lalpa chu chibai bûk an tih.

MALAKI 1:11

Nisa suoknaa inthawka a tlâkna chenin Jentailhai lai hman ka hming hi a ropui a na; hmun tinahai chun riminhnik dâm ka hminga inhlân a na, thil inthieng inhlân leh; Jentailhai lai hman ka hming chu a ropui si a, sipaihai Lalpa chun a tih.

MATTHAI 21:43

“Chuleichun, ‘Pathien ram chu in kuoma inthawkin lâk hmang nîng a ta, ra insuo ding hnam kuomah pêk nîng a tih,’ ti ka hril cheu hi.

MATTHAI 5:41

Mêl khat fe dinga phût luitu taphawt che kuoma chun mêl hni fe rawh.

LUKA 14:22

Chun, suok chun, ‘Pu i thu mi pêk ang khan ka thaw ta a, nisienlakhawm, hmun a la chuong ta rawp,’ a ta.

LUKA 14:24

Ka hril che hi, mi ka ifielhai khan pakhat khawmin ka ruoiṭhe fa naw ni hai,’ a ti a,” a ta.

LUKA 24:29

Chun, ṭawngbauin an chel a, “Kan kuomah um ta la; khuo ân hnu ding an ta hi, nisa khawm a tla ding a ni ta hi,” an ta. Chuongchun, an kuoma um dingin a lût ta a.

THILTHAWHAI 16:15

Chun, ama le a sûnghaiin baptisma an chang zo chun, “Lalpa ring tak zeta in mi ruot chun, ka inah hung tlung ro,” tiin a mi ngên a mi ngên a, a mi chel ta a.

THILTHAWHAI 18:6

Paulân a puon a thin a, an kuomah, “In thina maw chu nangnîn phur ro, kei chu ka hul a nih, tuta chen chu Jentailhai lai fe tâng ka tih,” a ta.

THILTHAWHAI 28:28

“Chuongchun, Pathien sandamna thu hi Jentailhai kuomah inphur a nih ti hi hre ro, anni chun chu ngai khawm ngai an tih,” a ta.

THILTHAWHAI 9:15

Nisienlakhawm, Lalpa chun a kuomah, “Fe el rawh, Jentailhai, lalhai, Israel mipuihai kuoma ka hming put lûtna dinga ka bêl ruot a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:18

Anleh, an nain an hriet naw am a nih? Hre e le! “An ri chu ram tinah ân thang a, An thu chu kâwlkawdawng chenin ân thang suok tah.”

2 KORINTH 5:11

Chuongchun, Lalpa ṭina châng hrein, mihriemhai chu kan thlêm hlak a, Pathien kuoma ruok chun inlangtirin kan um a; nangni sie le ṭha hrietnaa khawm inlangtira kan um ka beisei.

2 KORINTH 5:20

Chuongchun, Krista aia palai kan na, Pathienin keini hmangin a ngên cheu ti thei a nih. “Pathien leh hung inrem ro,” tiin Krista aiin kan ngên cheu a nih.

2 KORINTH 6:1

Chun, Pathien lunginsietna chu ṭhathnempui lova in hmu nawna dingin, ama thawpuiin ka ngên cheu a nih.

KOLOSSA 1:23

Amiruokchu, in ringna chun innghatsan neiin dettakin in um ding a nih. Chanchin Ṭha in ihriet beiseinaa inthawk sawn hmangin um naw ro. Chu Chanchin Ṭha chu vân hnuoia thilsiem po po laia tlânginsampui a ni kha; kei Paula hi, chu rawngbâwltua siem chu ka nih.

KOLOSSA 1:28

Mi tin Kristaa chun ṭha famkima kan inngîrtir theina dingin, mi tin infuiin, mi tin varna tinrênga inchûktirin a chanchin kan hril hlak hi;

2 TIMOTHE 4:2

Thu chu hril rawh, a huna khawm, a hun nawa dâm khawm thaw pei rawh; dawtheitaka inchûktir peiin an thiem nawna inhriettir la, infui la, kâwk rawh.