LUKA 14:11 - Pathien Lekhabu Inthieng (BSI)

¹¹ Inngaihlu taphawt chu tlâwm an ta; inngaitlâwm chu chawimawiin um an tih,” a ta.

LUKA 14:11 ပူးပေါင်းရင်းမြစ်များ

2 SAMUEL 22:28

Rinum tuor mihai chu sandam i ta, Mi chapohai ruok chu i suktlâwm theina dingin an chungah i mit a fu zing a.

ESTHER 6:10

Chun, lal chun Haman kuoma chun, “Inhmaw la, i hril ang chun lal silfên le sakawr chu la la, lal kul kawtkhâr bula ṭhung, Juda mi Mordekai chunga chun va thaw rawh; i hril ang ta po po chu ienghawm kimlo um hlek lovin,” a ta.

JOB LEKHABU (THE BOOK OF JOB) 22:29

Pathienin mi chapo chu a sukhnuoi a, Mi inngaitlâwm ruok chu a sandam a.

INPÂKNA HLABU 138:6

Lalpa chu chunghnungtak a nia chu a mi inhnuoihai a ngaisak hlak. Mi chapohai ruok chu hlataka inthawkin a hriet hlak.

INPÂKNA HLABU 18:27

Rinum tuor mihai chu i sandam ding a ni si a, Mi chapohai ruok chu suktlâwm i tih.

THUVARHAI 15:33

Lalpa ṭîna chu varna inchûktirna a nih; Chun, inzakaina hmaa chun inngaitlâwmna a fezie.

THUVARHAI 18:12

Sietna hmaah mihriem lungril chu a uong hlak a, Inzâkaina hmaa chun inngaitlâwmna a fe zie.

THUVARHAI 25:27

Khuoizu hi fâk ṭeu el chu a ṭha naw a; Miin mâni ropuina ding ngawt a zawng hi ropuina a ni nawh.

THUVARHAI 29:23

Mi chu a chapona chun ama chu sukhnuoi a ta, Lungrila inngaitlâwm ruok chun chawimawina hmûng a tih.

ISAI 2:11

Mihriem inditnahai chu suktlâwmin um a ta, mihai chapona chu sukhnuoiin um a tih; chu nia chun Lalpa chau chu chawisângin um a tih.

ISAI 2:17

Mihriem inditnahai chu sukhnuoiin um a ta, mihai chapona chu suktlâwmin um bawk a tih; chu nia chun Lalpa chau chu chawisângin um a tih.

ISAI 57:15

Mi chunghnung, chawisâng, chatuona um, a hming inthieng chun hieng ang hin a ti si a; “Kei hmun chunghnung le inthiengah ka um a, mi thuhnuoirawlhai lungril sukhar ding le insîr ngawi ngawihai lungril sukhar dingin mi lungrila insîr ngawi ngawia thuhnuoirawltak kuoma khawm ka um a nih.

MATTHAI 23:12

Tukhawm ân ngaihlu phawt chu tlâwm a ta, tukhawm ân ngaitlâwm phawt chu chawimawiin um a tih.

LUKA 1:51

A bânin a tha hrâtzie ân entir a, An inngaituonaa chapohai chu a sukdar ta a.

LUKA 1:52

An ṭhungphaa lal inṭhunghai chu a hnûk thlâk a. Mi inhnuoihai chu a dawm sâng ta a.

LUKA 14:12

Chun, a fieltu kuoma khawm chun, “Sûna manih, zâna manih ruoi i ṭhe pha leh, i ruolhai, i unauhai, i laibunghai, i vêng hausahai chu fiel naw rawh; chuong naw chun, fiel ve nâwk an ti che a, thung nâwk kher an ti che.

LUKA 18:14

Ka hril cheu hi, a hmasa nêkin ama lem chu thiem changin a inah a fe thla ta lem a. Inngaihlu taphawt tlâwm an ta, inngaitlâwm taphawt chu chawimawiin um an tih,” a ta.

JAKOB 1:9

Unau daikilkâra mi chu chawimawia a um leiin lâwm raw se.

JAKOB 4:10

Lalpa mithmuin inngaitlâwm ro, chuongchun, chawimawi a ti cheu.

JAKOB 4:6

Nisienlakhawm, lunginsietna tam nâwkzuol a pêk hlak; chuleiin, Pathien Lekha Thuin, “Pathienin mi chapohai a kal a, inngaitlâwmhai ruok chu lunginsietna a pêk hlak,” a ti a nih.

1 PETER 5:5

Chuong ang bawkin, nangni tleirâwl deuhai, upahai kuomah intuklût ro. Anih, in rêngin rawng inbâwltuo seng dingin thuhnuoirawlnain inthuom ro; Pathienin chapohai a kal a, inngaitlâwmhai ruok chu lunginsietna a pêk hlak si a.

1 PETER 5:6

Chuleiin, a huntaka chun a chawimawi theina ding cheuin, Pathien kut hrâttak hnuoia chun insukhnuoi unla,

1 SAMUEL 15:17

Chun, Samuel chun, “Nanga ngaia chun mi chîntak ni la khawm, Israelhai hotu dinga siem i ni a ni naw am a nih? Chun, Lalpa chun Israelhai lal dingin hriek a nâl che a;