LUKA 13:25 - Pathien Lekhabu Inthieng (BSI)

²⁵ In neitu chu a tho a, kawt a khâr hnung chun, nangnîn tuola ngîrin, ‘Lalpa, kawt mi hawngpêk rawh,’ tia kawtkhâr in hung nawk pha, ama chun, ‘Khâwtieng mi am in na, ka hriet naw cheu,’ tiin dawn a ti cheu.

LUKA 13:25 ပူးပေါင်းရင်းမြစ်များ

INṬANNA 7:16

Chun, a lûthai chu Pathienin a kuoma thu a pêk angin, tisa nei laia mi tinrêng chu a pui le a chal a tuok peiin an lût a; chun, Lalpain ama chu a khâr khum ta a.

INPÂKNA HLABU 32:6

Chuleiin, Pathien ngaisak mi taphawt chu zawnghmu awla i um laiin i kuomah ṭawngṭâi seng raw hai se; Tui lienhai chu a hung liem pha chun anni chu a chîm phâk vak nawna dingin.

ISAI 55:6

Hmu awla a um lai hin Lalpa chu zawng unla, a hnâi lai hin ko ro;

MATTHAI 25:41

“Chu zoa chun a vawitienga mihai kuoma khawm chun, ‘ṭawngsephurhai, kumkhuo mei diebol le a tirkohai ta dinga an buotsaia chun mi fe hmangsan ro;

LUKA 13:27

Chun, ama chun, ‘Ka hril cheu hi, khâwtienga mi am in ni ka hriet nawh; nangni thil suol thaw po pohai, mi fe hmang san vawng ro,’ la tîng a tih.

LUKA 3:8

Chuongchun, sim hming put tlâkin ra ro, ‘Abraham kan thlatu a nih annâwm,’ in lungrilin ti el naw ro; Pathienin hieng lunghai hi Abraham thlaahai ân ngîrtir thei ti ka hril cheu hi.

LUKA 6:46

“Chun, nangnîn ieng dinga ka thu zâwm si lova, ‘Lalpa, Lalpa,’ in mi ti hlak am?

2 KORINTH 6:2

“Hun lâwmumah ka ngaithlâk che a, Sandamna niah ka ṭhangpui che,” a ti si a. Ngai ta u, tu hi hun lâwmum chu a na; ngai ta u, tu hi sandamna ni chu a nih.

HEBRAIHAI 12:17

Chu hnunga chun malsâwmna ro chu hluo chu nuom hlein, mitthli tla pumin ṭhahnemngaitakin zawng sien khawm, simna remchâng a hmu tâk naw leiin peiin a um tah ti in hriet si a.