LUKA 13:16 - Pathien Lekhabu Inthieng (BSI)

¹⁶ Hi nuhmei, Abraham naunu, Setanin kum sâwmpariet a khuop hi, Châwlni khawmin hi khuopna hi hang sûtpêk naw ziezâng am a nih?” a ta, a dawn a.

LUKA 13:16 ပူးပေါင်းရင်းမြစ်များ

INPÂKNA HLABU 107:14

Inthim hnuoi le thina hlima inthawk chun a ṭhuoi suok a, An khuopnahai chu a suktan ta a.

MATTHAI 4:10

Chu phingleh Isûn, “Setan, fe hmang dai rawh; ‘Lalpa i Pathien chibai bûk la, ama rawng chau bâwl rawh,’ ti ziek a nih,” a ta.

MARKA 2:27

Chun, ama bâwkin an kuoma chun, “Châwlni hi mihriem ta dinga siem a na, mihriem hi Châwlni ta dinga siem a ni nawh;

LUKA 16:24

Chun, a khêk a, ‘Pa Abraham, mi lunginsiet la, Lazar kha hung tir rawh, a kutpâr tuiah inchie sienla; ka lei sukdeina dingin; hi meichawka hin ka na bêk bêk el,’ a ta.

LUKA 19:9

Chun, Isûn Zakai chungthu a hril a, “Vawisûn hi ina hin sandamna a hung tlung tah, ama khawm Abraham naupa a ni si a.

LUKA 3:8

Chuongchun, sim hming put tlâkin ra ro, ‘Abraham kan thlatu a nih annâwm,’ in lungrilin ti el naw ro; Pathienin hieng lunghai hi Abraham thlaahai ân ngîrtir thei ti ka hril cheu hi.

JOHAN 8:44

Nangni chu in pa Diebola inthawka suok in na, in pa dit zâwng thaw in nuom a nih. Ama chu a tîra inthawk tuolthattu a nih, thutakah a ngîr ngai nawh, a sûngah thutak hrim a um naw leiin. Khêl thu a hrilin a mizie dungzuiin a hril hlak, khêlhlip a ni si; thukhêl pa khawm a nih.

THILTHAWHAI 13:26

“Unauhai, Abraham thla nauhai, nangni laia Pathien ṭi po pohai, eini kuoma hin hieng sandamna thu hi a mi hung inphur suok a ni hi.

2 TIMOTHE 2:26

Pathien dit zâwng thaw dingin Lalpa suoka manin, Diebol chânga inthawkin an suok thei hlau rawi mawh.