LUKA 12:42 - Pathien Lekhabu Inthieng (BSI)

⁴² Chun, Lalpain, “Sum enkawltu ringum, var tak, a puin a hun poa an bu chan ding sempêk dingin a sûnghai chunga hotua a siem ding chu tû tak am nîng a ta?

LUKA 12:42 ပူးပေါင်းရင်းမြစ်များ

FESUOKNA 36:4

Chun, mi themthiem Hmun Inthienga sinthawtuhai po po chu, mi tin chu an sinthawna senga inthawkin, an hung a,

THUVARHAI 12:8

Mi chu a varna anghu peiin hrilmawi nîng a ta, Lungril khêlinhlip nei mi ruok chu ngainêp nîng a tih.

THUVARHAI 15:23

Dawnna indik chun mi a suklâwm a, A huntaka thu a ni tak hril chu a va ṭha de!

THUVARHAI 27:18

Tukhawm theichang kûng enkawl chun, chutaka a ra chu fâng a ta, A hotu lo nghâk zingtu chu chawimawi ni bawk a tih.

THUVARHAI 31:15

Zân a lân thim lai khawmin a tho a, A sûngkuohai ta ding chun bu a pêk hlak a, A siehlawnuhai ta dingin an chanpuol chu a pêk hlak.

ISAI 50:4

Mi sâwltak chu thua ka suksâwldam theina dingin Lalpa Pathien chun inchûktirhai lei a mi pêk a; ama chun tûk tinin a keihar a, inchûktirhaiin an hriet anga hre dingin ka na hi a keihar hlak.

JEREMIA 23:4

Anni châwmtu ding berâmpu an chunga chun sieng ka ta; ṭit khawm ṭi ta naw ni hai a, beidawng ngai ta bawk naw ni hai a, tlâksam hrim khawm um ta naw ni, Lalpa chun a tih.

EZEKIEL 34:3

Thâu chu in fâk a, sahmulin in inthuom a; châwm thâuhai chu in that a; nisienlakhawm, berâmhai chu in châwm naw a.

MATTHAI 13:52

Chun, ama chun an kuomah, “Chuong a ni chun Dân inchûktirtu vân ram lampui inchûktira um taphawt chu, in neitu, a ro bâwma inthawka thil tharhai le, thil hluihai phawr dawk hlaktu ang chu a nih,” a ta.

MATTHAI 20:8

“Chun, khuo a hung inhnu chun, grêp huon neitupa chun a sum enkawltu kuomah, ‘Sinthawtuhai kha ko la, a nuhnungtaka phutin a hmasatak chenin an hlaw pe rawh,’ a ta.

LUKA 12:43

A pu a hung phaleh suok chuong anga thawa a hung hmu ding chu a hamṭha.

LUKA 7:13

Chun, Lalpa chun hmeithai chu a hmu phingleh a lunginsiet bêk bêk a, “Ṭap naw,” a ta.

LUKA 7:19

Chuongchun, Johan chun a închûktirhai pahni a ko a, Lalpa kuoma chun a tir a, “A hung ding chu i ni, mi dang am kan la ngai ding?” tiin.

THILTHAWHAI 20:28

Pathien kohran ama thisena a inchâwk chu, châwm dingin, nangni le inrawihai po po chunga chun fimkhur ro, Thlarau Inthiengin an chunga hotuin a siem cheu hi.

1 TIMOTHE 3:15

Nisienlakhawm, ka la um sâwt tâk duoiin Pathien sûnghai laia mi iengtin am an um ding ti i hriet theina dingin ka ziek a nih; Pathien sûnghai chu Pathien hring kohran, thutak ban le innghatna chu an nih.

1 TIMOTHE 5:17

Kohran upa ro rêl ṭhahai chu a lêt hnia chawimawi tlâka ngai ni raw hai se; thu hril le inchûktirna kawnga sininrimhai chu chawimawi tlâka ngai nâwk zuol ni raw hai se.

2 TIMOTHE 4:2

Thu chu hril rawh, a huna khawm, a hun nawa dâm khawm thaw pei rawh; dawtheitaka inchûktir peiin an thiem nawna inhriettir la, infui la, kâwk rawh.

TITA 1:7

Kohran hotu chu Pathien sum enkawltu a ni leiin sawisêlbo a ni ding a nih; mi kâwmaw, lunginrawm, uoin inrui hmang, mi vaw hmang, hlêpna inthieng nawa mi duâm a ni ding a ni nawh.

HEBRAIHAI 13:17

In hotuhai thu awi unla, an thu thuin um ro; chanchin hril ding an ni leiin, lungngai puma hril lova, hlim puma an hril theina dingin, in thlarau an vêng pêk hlak cheu a nih; lungngai puma hril chu in ta dingin a pawi ding a ni si a.

HEBRAIHAI 13:7

In hotu, Pathien thu lo hriltuhai cheu chu, hre zing unla, an um dâna thil suok chu ngaituoin an ring dân inchûk ro.

HEBRAIHAI 3:5

Chun, chu hnunga thu la hril dinghai inhriettirna dingin, Mosie chu Pathien sûnghai po po laia rawngbâwltua chun ring a um ngei a;

1 PETER 4:10

mi tinin, Pathien lunginsietna tinrêng enkawltu ṭha angin, Pathien thilpêk an dawnghai taphawt chu hmangin rawng inbâwl tuo seng ro.