LUKA 12:37 - Pathien Lekhabu Inthieng (BSI)

³⁷ An pu a hung phaa suok lo nghâk zinga a hmu dinghai chu an hamṭha. Titakzetin ka hril cheu hi, ama chun a dier hung kei a ta, anni chu thlaithlêng awtin inṭhungtir a ta, an rawng hung bâwlpêk a tih.

LUKA 12:37 ပူးပေါင်းရင်းမြစ်များ

ISAI 62:5

Tlangvâlin nunghâk nuhmeia an nei hlak ang hin i naupasalhaiin nuhmeiah nei an ti che: mo neitu chu mo chunga a lâwm angin, i Pathien chu i chungah lâwm a tih.

JEREMIA 32:41

Anih, anni chu sukṭha dingin an chungah hlim tâng ka ta, hi rama hin ka lungril po po le, ka lungvar po poin thudikah anni chu phun ka tih.

ZEPHANIA 3:17

Lalpa i Pathien thilthawtheitak, sandamtu ding chu i sûnga chun a um a; Nang chu hlimnain lâwm a ti che a, a hmangainaa chun châwl a ta, Hla sakin nangmaa chun hlim a tih.

MATTHAI 24:42

Chuongchun, ngaiven ro, ieng ni am in Lalpa a hung ding in hriet si naw a.

LUKA 12:36

miin an pu, inneina ruoiṭhe fa a hung phaa kawtkhâr a hung nawk phaa lo hawngpêk thei nghâl dinga an lo nghâk zing ang hin um ro.

LUKA 12:43

A pu a hung phaleh suok chuong anga thawa a hung hmu ding chu a hamṭha.

LUKA 17:8

‘Ka fâk ding mi siempêk la, puon dierkei la, ka fâk ka dâwn khawp hmakhat chun ka rawng bâwl rawh; chu hnunga chun nangin fain, dâwn i tih,’ a lo ti lem naw ding am a nih?

LUKA 21:36

Chuongchun, chuong thil hung tlung dinghai po po chu pumpel tlâk le Mihriem Naupa hmaa ngîr tlâka ruot in ni theina dingin, ieng lai khawmin ṭawngṭai pumin ngaiven ro,” a ta.

LUKA 22:27

Tû am a ropui lem a? Bu fatu am, rawngbâwltu? Bu fatu chu a ni naw am a nih? Nisienlakhawm, kei chu nangni laia rawngbâwltu angin ka um hi.

JOHAN 12:26

Tûkhawmin ka rawng a bâwl chun mi zui raw se; ka umnaah ka rawng bâwltu khawm um a tih. Tûkhawmin ka rawng a bâwl chun ama chu Pain chawimawi a tih.

1 KORINTH 2:9

“Mita hmu ngai naw le naa hriet ngai naw, Mihriem lungrila lût ngai naw, Pathienin ama hmangaituhai ta dinga A buotsai taphawt chu,” ti ziek ang lem khan.

PHILIPPI 1:21

Ka ta ding chun hring hi Krista a ni si a, thi khawm hlâwkna a nih.

PHILIPPI 1:23

Chamlakin a ngaina hre lovin ka um el a nih, fe suoka Krista kuoma um inhâwkna ka nei leiin, chu chu a ṭha lem bêk bêk si a.

2 PETER 1:11

chuongchun, Isu Krista ei Lalpa le Sandamtu chatuon rama lûtna chu nasataka inhmutir nîng in tih.

2 PETER 3:14

Chuleiin, dittakhai, chuong ang thilhai chu in beisei leiin, inthiengnawna kai lo le sawisêl boin thlamuongtaka in um a hmu theina ding cheuin, taimâk insuo ro.

THUPUONGSUO 14:13

Chun, vâna inthawkin rawlin, “Hienghin ziek rawh: Tuta hnung chu mithi, Lalpaa thihai chu, an hamṭha. Thlarau chun, ‘Anih, an sininrimnahai chu châwl san tâng an tih; an thilthawhai chun a hung zui ve ding a ni si a,’ a tih,” a ti ka hriet a.

THUPUONGSUO 16:15

(Ngai ta, inru angin ka hung ding a nih; inringa a puon dierkei zing chu a hamṭha, chuong naw chun, saruokin lêng a ta, a zamaw hmu rawi an tih).

THUPUONGSUO 3:21

A hnetu taphawt chu ka lalṭhungphaah ka kuomah inṭhungtir ka tih; kei khawmin ka hne a, ka pa kuomah lalṭhungphaa ka ṭhung ang khan.

THUPUONGSUO 7:17

Berâmte, lalṭhungpha laia um chu an vêngtu nîng a ta, hringna tuikhurahai ṭhuoi a tih; chun, Pathienin an mita inthawk mitthli po po hrufai tâng a tih,” a ta.