LUKA 12:23 - Pathien Lekhabu Inthieng (BSI)

²³ Fâk ding nêkin hringna a thupui lem a nih, silfên nêk khawmin taksa a thupui lem a nih.

LUKA 12:23 ပူးပေါင်းရင်းမြစ်များ

INṬANNA 19:17

Chun, khawhnâwma an ṭhuoi suok hnung chun, “I hringna dingin tlân suok rawh: i hnungtieng ngha naw la, phaizâwla hrim hrim hin châwl bawk naw rawh; tlânga sawn tlân rawh, chuong naw chun, bohmang rawi i tih,” a ti a.

JOB LEKHABU (THE BOOK OF JOB) 1:12

Lalpa chun Setan kuoma chun, “Ngai ta, a thil nei po pohai chu i thuneina hnuoia um an nih; ama chunga chau chun i kut chu inlet naw rawh,” a ta. Chuongchun, Setan chu Lalpa hmâihmaa inthawk chun a fe suok ta a.

JOB LEKHABU (THE BOOK OF JOB) 2:4

Setan chun Lalpa chu a dawn a, “Vun aiah vun; anih, miin a thil nei po po chu a hringna dingin a pêk phal âwm hrim a nih.

JOB LEKHABU (THE BOOK OF JOB) 2:6

Lalpa chun Setan kuomah, “Ngai ta, ama chu i kuta um a nih annâwm; a hringna chau chu hla la,” a ta.

THUVARHAI 13:8

Mihriem hringna intlanna chu a hausaknahai a nih, Mi pasie ruok chun inṭhina chu a ngai nawh.

LUKA 12:22

Chun, a inchûktirhai kuomah, “Chuleiin, ka hril cheu hi, ‘Ieng am fâng ka ta aw?’ tiin in hringna thu le, ‘Ieng am silin bil ka ta aw?’ tiin in taksa thu lungkham naw ro.

LUKA 12:24

Vaâkhai hi ngaituo ro, bu an tu ngai nawh, an sîk ngai nawh, bupanghai, bu inhai khawm an nei nawh; nisienlakhawm, Pathienin a châwm si a; nangni chu vatehai nêk chun in hlut lemzie chu.

THILTHAWHAI 27:38

Chun, an fâk khawp chun bu chu tuipuiah an pei a, lawng an sukzâng deu a.