LUKA 12:19 - Pathien Lekhabu Inthieng (BSI)

¹⁹ Chun, ka thlarau kuomah, Thlarau, kum tamtak sûnga dingin sum tamtak în khâwl hi; châwl la, fain dâwn rawh, tîng ka tih,’ a ta.

LUKA 12:19 ပူးပေါင်းရင်းမြစ်များ

JOB LEKHABU (THE BOOK OF JOB) 14:1

“Mi nuhmei inei taphawt chu, Ni sâwtnawtêa ding, buoinaa sip a nih.

INPÂKNA HLABU 49:18

A dam laiin insukengthâwl sienla khawm, (A hlawtlingna leiin mi inpâk hlaw sien khawm).

INPÂKNA HLABU 62:10

Nêksâwrna hi ring naw unla, Inrûknaa chun beiseina teplo innghat naw ro, Hausakna hung pung sien khawm, a chunga chun in lungril innghat bawk naw ro.

THUVARHAI 10:2

Khawhlona rohai chu ienga khawm a hlâwk naw a, Felna ruok chun thinaa inthawkin a san suok.

THUVARHAI 14:24

An hausaknahai chu mi var ta ding chun an lallukhum a na, Invêthai invêtna ruok chu invêtna ringawt el a nih.

THUVARHAI 18:11

Mi hausa hausakna chu a khawpui dettak a na, Ama ngairuotnahaia ngei chun bang insâng ang a nih.

THUVARHAI 23:5

A um naw chunga chun i mithai chu infûktir naw la, Hausaknahai chun thlahai an insiempêk ngei ngei hlak si a; Muvânlai vântienga vuong hlak ang el chun.

THUVARHAI 27:1

Zînga dingin nang le nang insuong naw la, Ni chun ieng am a hung suokpui ding ti i hriet si naw a.

THUHRILTU 11:9

Aw tlangvâl, i tlangvâlnaa chun hlim rawh; i vânglai nihaia chun i lungril chu hlim sienla, i lungril lampui chu hraw la, i mithmu ngeia chun; amiruokchu, hieng thil po poa ding hin Pathien chun rorêlnaah a ṭhuoilût ding che a nih ti hre rawh.

THUHRILTU 2:24

Miin a sinthaw inrimnaah a lungril a sininrimna a dâwn a, a fâk nêka ṭha lem, mi ta dingin ieng dang khawm a um nawh. Hi khawm hi ka hmu ta a, Pathien kuta inthawk bawk a nih.

ISAI 22:13

nisienlakhawm, ngai ta, hlimna le lâwmna dâm, bâwng thatna le berâm thatna dâm, sa fâkna le uoin dâwnna dâm a um ta lem a. “Fain dâwn ei tiu khai, zinga chun ei thi el ding a ni si a,” an ti a.

ISAI 5:11

Zu hnawt dinga zîngkâr inhmataka tho a, uoinin a sukrui bûr hmakhat chena zân sâwttak tak chena um hlakhai chu an chung a rik.

ISAI 5:8

Ram lailia an khât chaua an um theina dinga mi ṭhang vena hmun hrim hrim um lo khawp hiel a, in le in inzawmtir pei le, lo le lo inzawmtir peituhai chung chu a rik ie!

ISAI 56:12

“Hung ro khai, uoin lâng ka ta, chuongchun, zuin ei inthun sip ding annâwm; zînga chun vawisûn ang hi ni nâwk a ta, ni ropui nasa deu el nîng a tih,” an ti seng a.

HOSEA 12:8

Ephraim chun, “Ka hausa takzet el ta a, Kân sukmuk takmeu el ta a nih; Ka sinthaw po poahai hlak chun Keimaa thil suol an hmu ding hlak um dêr lo,” a ti a.

AMOS 6:13

nangni iengkhawmlo chunga lâwm a. “Eini hrâtnain a ni nâwm a ni kihai ei lâk?” tituhai.

HABAKKUK 1:16

Chuongchun, a lên kuoma chun ân thâwi a, A keihrui kuoma chun riminhnik a raw a, Anni zâra a chan chu a hung thâu a, A bu chu a hung tam leiin.

LUKA 12:18

Chun, ‘Hieng hin thâwng ka tih; ka bu inhai ṭhiek ka ta, a nêka lienin bâwl ka tih; chutaka chun ka bu le ka sum po po sie khâwm ka tih.

LUKA 16:19

“Chun, mi hausa tû amanih a um a, puon senduk le puon zai inhmitak a sil a, ni tin inhawitirtakin a um hlak a.

LUKA 21:34

“Amiruokchu, fîmkhur ro, chuong naw chun, fâk khawp taluo leh, zu inrui leh, dam sûng khawsak ngaituo leh in lungril sip taluo hlau a ta, chu ni chun châng âwk angin kârlovin in chungah hung tlung phut a tih.

1 KORINTH 15:32

Mihriem thaw dân ang ringawta Ephesia sahrânghai kha insuolpui ka ni chun, ka ta dingin ieng am ṭhahnem a ta? mithi keithoa an um naw ding chun, fain dâwn ei tiu, zîngah ei thi el ding annâwm.

PHILIPPI 3:19

Chuonghai tâwpna chu bohmangna a nih, an Pathien chu an phîng a nih, an ropuina khawm chu an muolphona a nih, khawvêl thil an dit hlak a nih.

1 TIMOTHE 5:6

Nisienlakhawm, hmeithai mâni inhawitirna ngawta inpe chu, a dam lai khawm a thi a nih.

1 TIMOTHE 6:17

Hi khawvêla hausahai hi chapo naw ding le sum ringum nawah an beiseina innghat lova, thil po po lâwmna dinga mi petu Pathien chunga chun innghat lem dingin kâwk rawh.

2 TIMOTHE 3:4

vervêk dâm, thuhnung dâwn naw dâm, inngaihlu dâm, Pathien hmangai nêka mâni lâwmna chau hmangai lemtu dâm an ni ding a ni si a.

JAKOB 5:5

Khawvêla hin inhawitirtakin in um a, in insukthâm mei mei a; in that niin in lungril in suktlai a.

1 PETER 4:3

Jentailhai dit zâwng thâwna ding le, hurnaa dâm, taksa châknaa dâm, uoin hênaa dâm, zu hmun hlimnaa dâm, zu dâwn khâwmnaa dâm, milim biekna tirdakumtaka dâma umna ding chun kha hma kha a huntâwk tah.

THUPUONGSUO 18:7

“Ân sukropui le ân hawitirzie ang pei khan sawisain suklungngai thung ro; a lungril chun, ‘Lalnuin ka ṭhung a nih, hmeithai hrim ka ni naw a, lungngaina hmu dêr naw ningah’, a ti si a.

1 SAMUEL 30:16

Chun, a zuk ṭhuoi thlâk chun, ngai ta, Philistin ram le Judai rama râllâk tamtak an lâk leiin ruoi an ṭhe a, an fâkin an dâwn a, an lo um dar nei nuoi a.