LUKA 11:51 - Pathien Lekhabu Inthieng (BSI)

⁵¹ Abel thisen suoka inthawk, Zakaria maichâm le biekin inkâra thi, thisen suok chena mi kha.’ Anih, ka hril cheu hi, tulai ruoltharhai chunga hin phuba lâng an tih.

LUKA 11:51 ပူးပေါင်းရင်းမြစ်များ

INṬANNA 4:2

Chun, a sang Abel a hung nei nâwk a. Abel chu berâm vêngtu a ni a, Kaina ruok chu hnuoi inlettu a nih.

JEREMIA 7:28

Chun, an kuoma chun, “Lalpa an Pathien râwl khawm ngai lova, inchûktirna khawm pawm bawk lohai chu hi hnam hi an nih; thudik chu a riral a, an baua inthawk chun sât thlâkin a um a,” tîng i tih.

ZEKARIA 1:1

Daria inlal kum hnina a thla rietnaah, Iddo naupa, Berekia naupa zâwlnei Zekaria kuomah Lalpa thu chu a hung tlung a:

MATTHAI 23:35

Chuongchun, Abel mi feltak thisena inthawkin Pathien biekin le maichâm inkâra Baraki naupa Zakari in ithat a thisen chen khan, hnuoi chunga mi fel thisen an insuo po po chu nangni chungah la hung tlung thei a tih.

HEBRAIHAI 11:4

Ringnain Abel chun Kaina nêkin inthâwina ṭha lem Pathien kuomah ân hlân a, chu lei chun mi fel a nih ti inhriettirna a hlaw a, Pathienin a thilpêkhai kawnga chun thu ân hriettir a, chun, chu ringna lei chun ama chun thi ta hnungin thu a la hril ta rawp a nih.

HEBRAIHAI 12:24

Isu thuthlung thar palai kuom dâm, thisen the, Abel thisen nêka ṭha lem hriltu kuom dâm tlung in ni lem.

1 JOHAN 3:12

Kaina mi suol laia mi, mani unau thattu ang khan um lovin. Iengleiin am a that a? Ama thilthawhai a suol a, a unau thilthawhai a fel leiin.