LUKA 11:42 - Pathien Lekhabu Inthieng (BSI)

⁴² “Nangni Pharisaihai, in chung a rik ie! Pudina dâm, pardi dâm, thlai tinrêng dâm sâwma pakhat in pêk hlak a, felna le Pathien hmangaina chu in ngaitha hlak si a. Nisienlakhawm, chuong chu a nih in sawnnaw in thaw ding chu, a danghai chu thaw ṭhul chuong lovin.

LUKA 11:42 ပူးပေါင်းရင်းမြစ်များ

NEHEMIA 10:37

kan Pathien in pindana thiempuhai kuoma kan bei hmet hmasa tak dâm, a thêna thêna kan thilinhlânhai dâm, thing chi tinrêng rahai dâm, uoin le hriek chawi ding dâm; kan loa mi sâwmapakhat Levi mihai pêk ding dâmin dân kan ta dingin kan siem bawk a, anni Levi mihai chun kan khuo laia lohma nei khuo taphawtah sâwmapakhat an lâk hlâk a nih.

THUVARHAI 21:3

Rorêlna le thil fel thaw hi, Inthâwina nêkin Lalpa ta dingin pawmtlâk a ni lem dai.

THUHRILTU 7:18

Hi hi i chel tlat hi a ṭha a nih, chutaka inthawk chun i kut khawm la kîr naw rawh; Pathien ṭîtuhai chun an la hung suoksan vawng ding a ni si a.

MIKA 6:8

Aw mihriem, a ṭha chu ân entir ta che a nih; Lalpain a phût che chu ieng am a na? Indiktaka thaw le lunginsietna ngainat le i Pathien le thuhnuoirawltaka lêng hmunkhat chu a ni naw am a nih?

MALAKI 1:6

Sipaihai Lalpa chun in kuomah a hril a, “Aw thiempu, ka hming hmusittuhai, naupa chun a pa ân za a, siehlaw chun a hotu: chuonga pa ka ni chun, khâw lai am inza ka nina? Hotu ka ni chun, khâwlai am ṭi ka nina? Nangni chun, ‘Khâwlai am i hming chu kan hmusit a?’ in ti a.

MALAKI 2:17

In thuhai chun Lalpa chu in suksâwl a. Anachu, “Khâwlai am ama chu kan suksâwl a?” in ta. Chutaka bawk chun, “Mi tukhawm thil suol thaw chu Lalpa mithmua chun ṭha a na, anni chunga chun a lâwm a; amanih, rorêlna Pathien chu khâwlai am a um a?” in ti bawk a.

MALAKI 3:8

Mihriemin Pathien chu ân rûkpêk ding am a nih? Nangni chun in mi lân rûkpêk rawp el hi. Nisienlakhawm, nangni chun, ‘Ieng âm kan inrûkpêk che a?’ in ta. Sâwma pakhat pêkhaia le thilinhlânhaia hin a nih.

MATTHAI 23:13

“Nisienlakhawm, nangni Dân inchûktirtu le Pharisai vervêkhai, in chung a rik; vân ram lampui chu mihai in khâr pêk si a; nangni hlak in lût si naw a, mi a lût dinghai khawm in inlûttir phal ngai si naw a.

MATTHAI 23:23

“Nangni Dân inchûktirtu le Pharisai vervêkhai, in chung a rik! pudina dâm, mohuri dâm, zira dâm chu sâwma pakhat in pêk hlak a, dân thu pawimaw lem felna dâm, lunginsietna dâm, ringumna dâm chu in ngaitha si hlak; nisienlakhawm, chuong chu a nih in sawnnaw in thaw ding chu, a danghai chu thaw ṭhul chuong lovin.

MATTHAI 23:27

“Dân inchûktirtu le Pharisai vervêkhai, in chung a rik! Thlân nâl vâr, puo tienga mawitaka inlang, a sûng tieng ruok chu mithi ruhai le hmunhnawk tinrênga siphai ang chu in nih in sawnnaw.

LUKA 18:12

Châwlkâr khatah vawi hni bu ka nghei hlak a; ka nei taphawt sâwmah pakhat ka pêk hlak,’ a ta.

JOHAN 5:42

Nangni ka hriet cheu, Pathien hmangaina in lungrilah in nei nawh ie.

1 JOHAN 4:20

Miin, “Pathien ka hmangai,” tiin a unau theida si sienla, ama chu khêlinhlip a nih; a unau a ihmu zing ta hman a hmangai naw chun, Pathien a ihmu ngai naw chu iengtin am hmangai thei a ta?

1 SAMUEL 15:22

Chun, Samuel chun, “Lalpa chun Lalpa thu zâwm chu a lâwm angin pumrawhmang thilinhlânhai le inthâwinahai hi a lâwm am a nih? Ngai ta, inthâwina nêkin thuawi chu a ṭha lem a, berâmchal thau nêkin a thu pawm chu a ṭha lem a nih.