LUKA 11:4 - Pathien Lekhabu Inthieng (BSI)

⁴ Kan suolhai mi ngaidam la, Keini khawmin kan chunga thil suksuoltuhai kan ngaidam hlak angin. Thlêmnaa chun mi ṭhuoi lût naw rawh,’ tiin,” a ta.

LUKA 11:4 ပူးပေါင်းရင်းမြစ်များ

INṬANNA 48:16

suol po poa inthawka a mîn tlantu vântirko chun naupanghai hi malsâwm raw se; chun ka hming le a mi thlatu Abraham le Isak hming chu anni hmingah put raw se: chun, hnuoia hin mipui nasatak hung ni dingin hung pung raw hai se,” a ti a.

1 LALHAI 8:34

nangin vâna inthawkin lo ngaipêk la, i mi Israelhai suolna chu ngaidam la, an puhai ram i pêka chun ṭhuoi nâwk rawh.

1 LALHAI 8:36

nangin vâna inthawkin lo ngai la, i siehlawhai le i mi Israelhai suolna hi ngaidam la, an fena ding lampui ṭha khîkhmu pei la, chun, i mihai an rochan dinga i pêk rama hin ruo hung insûrtir bawk la.

INPÂKNA HLABU 121:7

Lalpa chun suol tinrênga inthawk chun vêng a ti che a, I hringna chu vêng a tih.

INPÂKNA HLABU 25:11

Aw Lalpa, i hming leiin, Ka rîtlona ngaidam la, nasatak a ni si a.

INPÂKNA HLABU 25:18

Ka rinumzie le ka tuorzie hi ngaituo la, Ka suol po po mi ngaidam rawh.

DANIEL 9:19

Aw Lalpa, lo hre ta, aw Lalpa, ngaidam rawh, aw Lalpa, lo hre la,hung thaw ta, muong naw la; nangma zâra ngei chun, aw ka Pathien, i khawpui le i mihai chu nangma hming chawia hming sak an ni leiin,” tiin.

HOSEA 14:2

Thu chawi pumin Lalpa kuom tieng kîr nâwk la, A kuoma chun hieng ang hin hril rawh, “Rîtlona po po chu la hmang la, A ṭha taphawt chu pawm la, Chuongchun, kan hmûr rahai chu, Bâwngchal aiah hung inhlân kan tih.

MATTHAI 18:35

Mi tinin in lungril taka in unauhai in ngaidam naw chun, ka Pa vâna mi khawmin chuong ang bawkin in chungah thaw vêng a tih,” a ta.

MATTHAI 26:41

Thlêmnaa in lût nawna dingin inring zingin ṭawngṭai ro; thlarau chun chu a pei a, taksa ruok chu a hrât naw a nih,” a ta.

LUKA 11:5

Chun, ama bawkin an kuomah, “Nangni laia tûin amanih ruol nei sienla, zânrilah a kuomah fein, ‘Ruola, beiphêk pathum mîn pûktir rawh;

LUKA 13:4

Chun, Siloam in insângin mi sâwm le pariet a del hlumhai khawm kha, Jerusalema um po po nêkin mi suol bîk ni dingin in ring am a nih?

LUKA 22:46

chun, an kuomah, “Iengdinga in in am? Thlêmnaa in lût nâwna dingin tho unla, ṭawngṭai ro,” a ta.

LUKA 8:13

Chun, pielthlêng chunga mi chu hieng hi an nih; an hriet phingleh thu chu lâwmtaka pawmhai hi; nisienlakhawm, zung hrim an nei nawh, sâwt nawtê chau an awi a, thlêma an um phaleh an bânsan nâwk hlak.

JOHAN 17:15

“Anni chu khawvêla inthawka la suok dinga ngen che ka ni naw a, mi suol laka hum dingin ka ngên lem che a nih.

1 KORINTH 10:13

Mihriem ituor thei ang bâk chu thlêmna hrim hrim in chungah a tlung ngai nawh. Pathien chu a ringum a nih; ama chun in tuor thei bâk chu thlêmna in tuor phal naw ni; in tuor theina dingin thlêmna ruolin tlân suokna lampui siem nghâl lem a tih.

KOLOSSA 3:13

Tûkhawmin tu chunga khawm thupawi nei ang unla, indaw tuoin, inngaidam tuo unla, Lalpa chun a ngaidam ang tak cheu khan ngaidam ve ro.

2 THESSALONIKA 3:3

Amiruokchu, Lalpa chu ring a um a, ama chun sukdetin mi suolhai lai chun hum a ti cheu.

2 TIMOTHE 4:18

Lalpa chun suolna po poa inthawkin mi sansuok a ta, a vân rama chun himtakin mîn tlung a tih; ama chu chatuona ropuiin um raw se. Amen.

JAKOB 2:13

Mi chunga lunginsietna nei naw chu, lunginsietna ṭhang lova rorêl pêkin um a tih, lunginsietna chu rorêlna chunga chun ân suong hlak a nih.

THUPUONGSUO 2:10

I tuor dinghai hi ṭi naw; ngai ta, fiea i um theina dingin, Diebol chun nangni laia mi ṭhenkhat intângna inah a khum ding cheu a nih; chun, ni sâwm rinum tuor in tih. Thi chenin ringumin lo um rawh, chuongchun, hringna lallukhum pêng ka ti che.

THUPUONGSUO 3:10

Ka selna thu i pawm lei khan, hnuoia umhai fie dinga khawvêl po po chunga fiena hun hung tlung dinga inthawk chun, kei khawmin humhim ka ti che.