LUKA 11:36 - Pathien Lekhabu Inthieng (BSI)

³⁶ Chuongchun, i taksa hi khâwlai khawm inthim lova a puma a var suok chun, khâwnvar var nasatakin a el che angin var suok a tih,” a ta.

LUKA 11:36 ပူးပေါင်းရင်းမြစ်များ

THUVARHAI 1:5

Mi var chun a hriet a, thiemnaa chun a belsa theina ding le, Hrietthiemna nei mi chun rorêlna ṭhahai chu a changna dingin;

THUVARHAI 20:27

Mihriem lungril chu Pathien khâwnvar a na, Phîngsûng hmun inthûktakhai po po chu a zawng suok hlak.

THUVARHAI 6:23

Thupêk chu khâwnvar a na, inchûktirna chu var a ni si a; Inchûktirna thununnahai chu hringna lampui a nih;

ISAI 42:16

Mitdelhai chu an hriet ngai naw lampuiah ṭhuoi ka ta, an hriet ngai naw lampuiahai chun ṭhuoi ka tih; an hmaa chun inthim chu varah siem ka ta; lampui kâwi laihai chu suktlûn bawk ka tih. Chuong thil chu thâwng ka ta, anni khawm thlathlam naw ningah.

ISAI 8:20

Dân thu le Inhriettirna Thu chu râwn lem ding a nih,” tiin. Chuong ang thu ang peia an hril naw chun an ta dingin khuo hrim hrim var dêr naw nih.

HOSEA 6:3

Lalpa hrietna chu hnawt pei ei tiu khai, hrieng ei tiu; Zîng khawvar anga inkhêl ruol lovin ân thawk suok ngei hlak; Ei kuomah ruo angin, ruo nuhnung, hnuoi sukhûtu ang elin hung tlung a tih,” tiin.

MATTHAI 13:52

Chun, ama chun an kuomah, “Chuong a ni chun Dân inchûktirtu vân ram lampui inchûktira um taphawt chu, in neitu, a ro bâwma inthawka thil tharhai le, thil hluihai phawr dawk hlaktu ang chu a nih,” a ta.

MATTHAI 5:15

Mîn khâwnvar sitin leikhâwr hnuoiah an sie ngai nawh; a sienaah an sie lem hlak; chuongchun, in sûnga mi po po a ên hlak.

LUKA 11:35

Chuongchun, i sûnga var um chu inthim a lo ni el râwm, fîmkhur rawh.

LUKA 11:37

Chun, a hril laiin, Pharisai pakhatin ama chu a kuoma bu fa dingin a fiel a; chuongchun, a lût a, buthlêng chu a awt a.

2 KORINTH 4:6

Isu Krista hmêla chun, Pathien ropuizie hrietna var chu mi pe dingin, “Inthima inthawkin var varsuok a tih,” titu Pathien chun kan lungrilhai hi a sunvar ta si a.

EPHESI 4:14

Chuongchun, indiknawna zâwrna angin, var vervêka mihriem hlêm fâwmin, inchûktirna thli tinrênga khing tieng khing tienga vawr le lên lên naupang ni ta nâwm ei ni a,

KOLOSSA 3:16

Krista thu chu varna tinrêngin nangnia chun um ṭeu raw se; inpâkna hla dâm, Pathien hla dâm, thlarau tieng hla dâma inchûktirin inkâwk tuo unla, lungrila lâwmna neiin Pathien chu hla sakpêk ro.

HEBRAIHAI 5:14

Bu rum ruok chu puitlinghai ta dingin a nih, chuonghai chun asie aṭha hrefie dingin an hriettheina chu hmangin an sâwizawi tah.

JAKOB 1:25

Amiruokchu, tûkhawm dân famkim, zalênna dân hi bia, chuong anga um zinga, ngaia theinghil nâwk el hlaktu ni lova, zâwma sin thaw rawptu ni lem chu, ama chu a thil thawah malsâwmin um a tih.

2 PETER 3:18

Amiruokchu, ei Lalpa le Sandamtu Isu Krista lunginsietna le hrietnaa chun inṭhang lien ro. Tuta le chatuon chenin ama kuoma chun ropuina um raw se. Amen.