LUKA 11:29 - Pathien Lekhabu Inthieng (BSI)

²⁹ Chun, mipuihai chu a kuoma an hung inkhâwm laiin Isûn, “Tulai ruoltharhai hi ruolthar suoltak an nih; inchikna an zawng a; nisienlakhawm, Jona inchikna chau naw chu an kuomah inchikna hrim hrim pêk ni naw ni.

LUKA 11:29 ပူးပေါင်းရင်းမြစ်များ

EZEKIEL 24:24

Chuongchun, Ezekiel hi in ta dingin inchikna nîng a ta; amain a thaw ang tak hin thaw vêng in tih; hienghai hi a hung tlung pha chun Lalpa chu ka nih ti mi hre tâng in tih.’

JONA 1:1

Amittai naupa Jona kuomah Lalpa thu a hung tlung a:

MATTHAI 3:7

Nisienlakhawm, Pharisaihai le Saddukaihai tamtak a baptisma chang dinga hung a hmu phingleh, an kuomah, “Rûl thlahai, lungsenna hung tlung ding hi tlânsan dingin tuin am a kâwk cheu a?

MARKA 8:38

Tukhawm tulai ruolthar uire le suksuol hmanghai laia kei le ka thu inzapuihai po chu, Mihriem Naupa hin vântirko inthienghai le a Pa ropuinaa inthuoma a hung pha chun, ama chu hung inzapui ve thung a tih,” a ta

LUKA 11:16

Chun, a ṭhenin ama fiena dingin vâna inthawkin inchikna an hni a.

LUKA 11:50

zâwlnei po po thisen, leilung insieng tîra inthawka kha tulai ruoltharhai chunga phuba lâk a ni theina dingin.

LUKA 12:1

Chu sûnga mipui sâng tamtak insir nuk nuk khawp hiel an hung inkhâwm chun, Isûn a hmasatakin a închûktirhai kuomah, “Pharisaihai chawl, vervêknaa inthawk chun fîmkhur ro.

LUKA 9:41

Chun, Isûn “Ruolthar ringna nei lova kâwmawhai, ieng chen am in kuomah um ka ta, ngaithei ka ti cheu a? I naupa chu hitaka hin hung ṭhuoi rawh,” a ta, a dawn a.

JOHAN 2:18

Chun, Judahaiin a kuomah, “Hieng thil i thaw hi inchikna ieng am i mîn hmutir thei a?” tiin ama an in dawn a.

JOHAN 6:30

Anni chun a kuomah, “Inchikna ieng am thâwng i ta, kan hmua kan ring theina ding chein? Thil ieng am thâwng i ta?

JOHAN 8:44

Nangni chu in pa Diebola inthawka suok in na, in pa dit zâwng thaw in nuom a nih. Ama chu a tîra inthawk tuolthattu a nih, thutakah a ngîr ngai nawh, a sûngah thutak hrim a um naw leiin. Khêl thu a hrilin a mizie dungzuiin a hril hlak, khêlhlip a ni si; thukhêl pa khawm a nih.

1 KORINTH 1:22

Judahai chun inchikna an phût hlak, Grik mihai khawma varna an zawng bawk hlak;