LUKA 11:27 - Pathien Lekhabu Inthieng (BSI)

²⁷ Chun, chuong thu chu a hril laiin, mipui laia nuhmei pakhat a khêk suok a, a kuomah, “Nangma vawnna phîng chu a hamṭha ie, i nêne nêk khawm,” a ta.

LUKA 11:27 ပူးပေါင်းရင်းမြစ်များ

THUVARHAI 23:25

I pa le i nu chu lâwmin inumtir la, Nang a neitunu che khawm chu inlâwmtir rawh.

LUKA 1:28

Chun, vântirko chu a kuomah a lût a, “Chibai, Vochuom, Lalpa i kuomah a um” a ta.

LUKA 1:42

râwl inringtakin a khêk a, “Nang chu nuhmei lai poah inpâktlâk i nih; i rîla ra khawm inpâktlâk a nih.

LUKA 1:48

A suoknu tlâwmzie a hmu a, a lunginsiet a, Ngai rawh, tuta inthawkin ruolthar po poin hamṭha an mi ti ding a nih.

LUKA 11:26

Chu phingleh a fe a, ama nêka suol lem khawhri dang pasari a hung ṭhuoi a, chutaka chun an lût a, an um zing hlak a; chu mihriem umzie nuhnung chu a hmasa nêkin a hung ṭha naw lem hlak a nih,” a ta.

LUKA 23:29

Ngai ta u, a ni la hung tlung a tih, chuong nia chun, ‘Nuhmei chinghai, nau vawn ngai nawna phînghai, nau nêk ngai naw nênehai chu an hamṭha ie,’ la tîng an tih.