LUKA 11:2 - Pathien Lekhabu Inthieng (BSI)

² Chun, ama chun an kuomah, “In ṭawngṭai chun hieng ang hin ti ro, ‘Kan Pa, I hming inzaum raw se. I ram hung tlung raw se,

LUKA 11:2 ပူးပေါင်းရင်းမြစ်များ

1 LALHAI 8:43

nangin i umna vâna inthawkin lo ngai la, hnam dang mi chun a hni ang che chu lo thawpêk rawh; i mi Israelhai ang bawka khawvêla hnam tinin i hming an hriet a, an ṭi che a, hi ka in bâwl hin i hming a put a nih ti an hung hriet theina dingin.

2 LALHAI 19:19

Chuleiin, aw Lalpa kan Pathien, nang, nangma chau hi Lalpa Pathien i nih ti hnuoi chung ram po po hin an hriet theina dingin amaa inthawk hin mi sanhim ngei ngei rawh,” tiin.

2 CHANCHIN SUINA 20:6

A hril a, “Aw Lalpa, kan thlatuhai Pathien, nang chu vân Pathien i ni naw am a nih? Hnamhai lalram po pohai chunga rorêltu chu nang i ni naw am a nih? I kuta chun hrâtna le thilthawtheina a um a, chuleiin, tukhawma dang thei naw ni hai che.

INPÂKNA HLABU 103:20

A vântirkohai, a thu ngaia, a thu zâwma, hrâtnaa ropui hlakhai, Lalpa chu inpâk ro.

INPÂKNA HLABU 108:5

Aw Pathien, nang chu vân khûm dai khin chawimawiin hung um la, I ropuina chu hnuoi chung po poa hin chawimawiin um bawk raw se.

INPÂKNA HLABU 11:4

Lalpa chu a biekin inthiengah a um a, Lalpa chu a ṭhungpha chu vânah a um; Mihriem nauhai hi a mitin a en a, a mitvun chun a fie hlak.

INPÂKNA HLABU 57:11

Aw Pathien, nang chu vân khûm dai khin chawimawiin um rawh, I ropuina chu leihnuoi po po chunga hin hung um raw se.

THUHRILTU 5:2

I bauin ti rawk rawk naw la, Pathien hmaa thil iengkhawm hril dingin inhmaw naw rawh; Pathien chu vânah a um a, nang chu hnuoia um i ni si a; chuleiin, i thu chu suktlâwm rawh.

ISAI 63:16

Abraham chun mi hre lovin, Israel khawm chun mi ngaisak naw sien khawm, nang chu ka pa i ni si a; nang chu, aw Lalpa, kan pa i na, i hming chu chatuona inthawka keini mîn tlantu a nih.

EZEKIEL 36:23

Chun, ka hming ropuitak chu, hnamhai laia sukpawrchea lo um tah, anni laia in lo sukpawrche ta chu sukthieng ka ta; chuongchun, hnamhai chun Lalpa chu ka nih, ti mi hre tâng an tih, Lalpa Pathien chun a tih; an mithmua nangnia sukthienga ka um pha chun.

DANIEL 2:28

amiruokchu, vânah Pathien, thurûkhai phuongtu chu a um a, ama chun lal Nebukadnezzar chu ni nuhnunga thil um dinghai chu ân hriettir a nih. I mang le i khum chunga i lua i thil hmulâwkhai chu hienghi an nih:

DANIEL 2:44

Chun, chuong lalhai huna chun vâna Pathien chun suksieta um ta ngailo ding le, lal nina chu mi dang kuoma pêka um ta ngai lo ding ram pakhat hung siem suok a ta; chuongchun, chuong ramhai chu kawi tamtaka hung sukkawiin, hung kânghmang a ta, kumkhuoin ama chu um ta lem a tih.

DANIEL 7:18

Nisienlakhawm, Achunghnungtak mi inthienghai chun ram chu chang an ta, chatuon, chatuon chenin ram chu nei an tih,’ tiin.

DANIEL 7:27

Chun, vânhnuoia ram le lalram le ram ropuinahai chu Achunghnungtak mi inthienghai hnam kuoma chun pêk nîng a ta, ama ram chu chatuon ram a na, ram po pohai chun a rawng bâwl an ta, ama thu awi an tih,’ tiin.

HOSEA 14:2

Thu chawi pumin Lalpa kuom tieng kîr nâwk la, A kuoma chun hieng ang hin hril rawh, “Rîtlona po po chu la hmang la, A ṭha taphawt chu pawm la, Chuongchun, kan hmûr rahai chu, Bâwngchal aiah hung inhlân kan tih.

LEVI DÂN 10:3

Chuongchun, Mosie chun Aron kuomah, “Hi hi a nih Lalpain, ‘A mi hnaituhaia chun inthiengin inlang ka ta, mipui po po hmaa chun chawimawiin um ka tih,’ tia a hril kha,” a ti a. Aron chu a to zing a.

LEVI DÂN 22:23

Mâni nuomthua thilinhlâna ding chun, bâwngchal khawm, berâmte khawm, kut le ke sei taluo amanih, tawi taluo amani khawm inhlân thei in tih; thutiemnaa ding ruok chun pawm ni naw nih.

HABAKKUK 2:14

tuipui chu tuihaiin ân khum angin, Lalpa ropuina hrietna chun hnuoi hi a suksip ding a ni si a.

MATTHAI 10:32

“Chuongchun, mihai hmaa a mi ṭan taphawt chu, ka Pa vâna mi hmaah ṭan vêng ka tih.

MATTHAI 3:2

“Sim ro, vân ram chu a hnai tah,” tiin.

MATTHAI 5:16

Chuong ang bawkin in var chu mi mithmuah var raw se; chuongchun, in thilthaw ṭhathai hmûng an ta, in Pa vâna mi chawimawi thei an tih.

LUKA 11:1

Chun, Isu khâwlai hmuna manih a ṭawngṭai a, a ṭawng- ṭai zo chun a închûktir mi pakhatin a kuomah, “Lalpa, ṭawngṭai dân Johanin a închûktirhai ân chûktir ang khan mîn chûktir ve ta la,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:7

Rom khuoa Pathien idittakhai, mi inthieng ni dinga kohai po po kuomah; Pathien ei Pa le Lalpa Isu Kristaa inthawka lunginsietna le inremna in kuomah um raw se..

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:15

Ṭia um nâwk dingin suok nina thlarau in chang a ni si naw a; nau nina thlarau in chang lem a nih; chu thlarau zâra chun, “Abba! (Pa)” tiin ei khêk hlak hi.

1 KORINTH 1:3

Pathien ei Pa le Lalpa Isu Krista kuoma inthawkin lunginsietna le inremna in kuomah um raw se.

2 KORINTH 1:2

Pathien ei Pa le Lalpa Isu Krista kuoma inthawka lunginsietna le inremna in kuomah um raw se.

GALATI 1:4

ama chun ei Pathien le ei Pa remtizâwngin tulai khawvêl suoltaka a mi san suok theina dingin, ei suolhai aiin ama ân pêk ta si a;

EPHESI 1:2

Pathien ei Pa le Lalpa Isu Krista kuoma inthawka lunginsietna le inremna in kuomah um raw se.

PHILIPPI 1:2

Pathien ei Pa le Lalpa Isu Krista kuoma inthawka hmangaina le inremna in kuomah um raw se.

PHILIPPI 4:20

Ei Pathien le ei Pa kuoma chun kumkhuoin ropuina chu um raw se. Amen.

KOLOSSA 1:2

Kolossaa Kristaa mi inthienghai le unau ringumhai kuoma chun, Pathien ei Pa kuoma inthawka lunginsietna le inremna in kuomah um raw se.

1 THESSALONIKA 1:1

Paula le Silvan le Timothe chun: Pa Pathien le Lalpa Isu Kristaa Thessalonikaa kohranhai kuomah: Lunginsietna le inremna in kuomah um raw se.

1 THESSALONIKA 1:3

Ei Pathien le Pa hmaa ringna leia in sin thawzie dâm, hmangaina leia in sin inrimzie dâm, ei Lalpa Isu Krista beisei leia in selzie dâm kha theinghil lova hre zingin.

2 THESSALONIKA 2:16

Chuongchun, ei Lalpa Isu Krista ngei le, Pathien ei Pa, a mi hmangaitu le lunginsietna leia chatuona thlamuongna le beiseina ṭha mi petu chun,

THUPUONGSUO 11:15

Chun, vântirko pasarina chun a hang mût a, chuongchun, “Khawvêl ram chu ei Lalpa le a Krista ram a hung ni tah, ama chun chatuonin ro rêl a tih,” tiin vâna chun rawl inringtakin a hung suok nghâl ta a.

THUPUONGSUO 15:4

Aw Lalpa, tu am i hming inza naw a, Chawimawi naw ding? Nang chau în thieng si; I thilthaw felhai chu suklang a ni ta leiin, Hnam tinrêngin chibai hung bûk an ti che,” tiin.

THUPUONGSUO 19:6

Chun, mipui nasatak rawl ang le, tui tamtak ri ang le, vâninrûm nasatak ri angin, “Halleluia, Lalpa ei Pathien Iengkimthawthei chun ro a rêl ta hi.

THUPUONGSUO 20:4

Chun, lalṭhungphahai ka hmu a, a chungah mi an ṭhung a, an kuoma chun rorêlna an pêk a. Chun, Isu inhriettirna thu lei le, Pathien thu leia lu tanhai thlarau le sahrâng le a lim chibai bûk lova, an bâwka manih, an kuta manih inchikna nei nawhai thlarau chu ka hmu bawk a. Chuonghai chu an hung hring a, kum sâng khat sûnga dingin Krista leh rorêlin an um a.