LUKA 10:42 - Pathien Lekhabu Inthieng (BSI)

⁴² thil pakhat chau a pawimaw; Mariin chan ṭha a thlang a, chu chu lâkpêk ding a ni nawh,” a ta, a dawn a.

LUKA 10:42 ပူးပေါင်းရင်းမြစ်များ

INPÂKNA HLABU 119:111

I thuinhriettirhai chu kumkhawtluonga ka ro dingin ka lâk a, Ka lungril suklâwmtu a ni si a.

INPÂKNA HLABU 119:173

I kut chu mi ṭhangpui dinga inzosain um raw se, I thununna thuhai chu ka thlang si a.

INPÂKNA HLABU 119:30

Umdân ringum ka thlang a, I rorêlnahai ka hmaah kân umtir a.

INPÂKNA HLABU 142:5

Aw Lalpa, ka ko che a “Nang chu kân humhimna, Mi hring rama ka chanvo i nih,” ka ti a.

INPÂKNA HLABU 17:15

Kei ruok chun felna neiin i hmêl hmûng ka ta, Nanga angna neia ka meng pha chun lungawi tâwk zet tâng ka tih.

INPÂKNA HLABU 27:4

Lalpa kuomah thil pakhat ka hni a chu mawl chu zawng ka tih, Lalpa mawizie hmu ding le a biekina thu indawn dingin, Ka dam sûng poa Lalpa ina ka um zing theina ding chu.

INPÂKNA HLABU 73:25

Vâna khin nang naw chu tu am ka nei a? Hnuoia khawm hin nang naw chu ka dit tukhawm an um nawh.

THUHRILTU 12:13

Hi hi thil tâwp chu a nih; thil po po chu hriet a ni ta a; Pathien ṭî la, a thupêkhai chu zâwm rawh; hi hi mihriem thilthaw ding pumpui chu a nih.

MARKA 8:36

Mîn khawvêl hi a pumin nei sienla, a hringna chân si sienla, ieng am ṭhahnem a ta?

LUKA 10:39

Ama chun zuorpui pakhat a nei a, Mari a na; ama chu Lalpa ke bulah a ṭhung a, a thu a ngai a.

LUKA 11:1

Chun, Isu khâwlai hmuna manih a ṭawngṭai a, a ṭawng- ṭai zo chun a închûktir mi pakhatin a kuomah, “Lalpa, ṭawngṭai dân Johanin a închûktirhai ân chûktir ang khan mîn chûktir ve ta la,” a ta.

LUKA 12:20

Nisienlakhawm, Pathienin a kuomah, ‘Invêt, vawizân hin i thlarau an hni ding che a nih; i thil suksuokhai kha tû ta am ni tâng a ta le?’ ” a ta.

LUKA 12:33

In nei taphawt chu zawr unla, pasiehai kuomah pe ro; vânah rukru fe nawnaah, hângthim fâk siet nawnaa chun, tangka ip hlui thei nawhai, ro inhmang thei nawhai, inkhâwl ro.

LUKA 16:2

Chuongchun, ama chu a ko a, a kuomah, ‘I chungchâng thu ka hriet hi iengtizie am a na? I sum enkawl chanchin hung ziek vawng rawh; tuta hnung chu sum enkawltu hin ṭhang thei ta naw ti ni,’ a ta.

LUKA 16:25

“Nisienlakhawm, Abrahamin, ‘Ka naupa, i dam lai khan thil ṭha i hmu a, chuong ang bawkin Lazarin thil ṭha naw a hmu kha hre zing ta la; nisienlakhawm, ama chu tuhin hitaka hin thlamuongtakin a um a, nang chu i na a ni kha.

LUKA 18:22

Chun, Isûn chu chu a hrietin a kuomah, “Tu khawm hin kawng khat i la bâk ie; i nei po po zawr la, pasiehai kuomah sem rawh, chuongchun, vânah ro nei i tih; chun, hung la, mi hung zui rawh,” a ta.

LUKA 8:18

Chuongchun, ieng angin am in hriet fimkhur ro; tûkhawm a nei taphawt chu pe sâng an ta, tûkhawm a nei naw taphawt chu a nei suna a ruot khawm chu lâkpêk an tih,” a ta.

JOHAN 11:1

Chun, mi pakhat, Mari le a zuorpuinu Martha umna khuo Bethania mi, Lazar damnaw a um a.

JOHAN 11:19

chuongchun, an ṭapa thi chunga sukthlamuong dingin Judahai rawi tamtak Martha le Mari kuomah an hung a.

JOHAN 12:3

Chun, Mariin bûk zâtve Spiknard hriek rim inhnik totak a hung chawi a, Isu kehai a nâl a, a samin a kehai chu a hrûk a; chuongchun, chu hriek rim chun in chu a sip rum rum el a.

JOHAN 17:3

Hi hi chatuona hringna a nih: nang Pathien tak chau le i tir Isu Krista hriet hi.

JOHAN 4:14

tûkhawm an kuoma ka pêk ding tui dâwn taphawt ruok chu, kumkhuoin dangchâr naw ni hai, keiin an kuoma tui ka pêk ding chu, an sûngah tuihnâr hung um a ta, chatuona hringna chenin inchik dawk a tih,” a ta.

JOHAN 5:24

“Titakzetin, titakzetin ka hril cheu hi, tûkhawm ka thu hrea a mi tirtu ring chun chatuona hringna a nei tah, inthiemlovin a um naw a, thinaa inthawkin a suok a, hringnaah a lût lem ta a nih.

JOHAN 6:27

Bu bohmang nâwk el hlak zawng hin inlap rak rak naw ro, chatuona hringna chena um zing ding bu, Mihriem Naupain a pêk ding cheu chu zawng lem ro; Pa Pathien chun ama chu ân chik ta si a,” a ta, a dawn a

1 KORINTH 13:3

Chun, mi rimsihai châwmna dingin ka sum po po khawm pe vawng lang, ka taksa khawm kâng dingin inpe lang hmangaina ka nei si naw chun, ka ta dingin iengkhawm ṭhahnem naw ni.

GALATI 5:6

Krista Isua chun sertan iengkhawm a ṭhahnem naw a, sertannaw khawm iengkhawm a ṭhahnem chuong nawh, ringna hmangainaa thaw ruok chu a ṭhahnem a nih.

DÂN PAHNINA 30:19

In hmaah hringna le thina, malsâwmna le ṭawngsie ka sie ti tuhin in chungchâng thua hretu dingin hnuoi le vân ka sâl a nih; chuongchun, hringna chu thlang ro, in hring theina dingin, nangni le in thlahai leh;

JOSUA 24:15

Chun, Lalpa rawng bâwl hi ṭha awm nawa in hriet chun vawisûn hin tu rawng am a na in bâwl ding thlang el ro; in thlatuhaiin Vadung râla a rawng an bâwl hlak pathienhai kha am a ni, in ihluo ram Amor mihai pathienhai kha? Kei le ka sûnghai ruok hin chu Lalpa rawng a nih kan bâwl ding chu,” a ta.

JOSUA 24:22

Chun, Josua chun mipuihai kuomah, “A rawng bâwl tumin Lalpa chu in thlang ta ngei ti thuhretuhai chu nangni ngei hi in nih,” a ta. Chun, anni chun, “Thuhretuhai chu kan ni a ni ta hi,” an ta.