LUKA 10:39 - Pathien Lekhabu Inthieng (BSI)

³⁹ Ama chun zuorpui pakhat a nei a, Mari a na; ama chu Lalpa ke bulah a ṭhung a, a thu a ngai a.

LUKA 10:39 ပူးပေါင်းရင်းမြစ်များ

2 LALHAI 4:38

Chun, Elisa chu Gilgalah a fe nâwk a; chun, chu rama chun ṭâm nasatak a tla a; zâwlnei naupasalhai chu a hmaa chun an ṭhung a, a siehlaw kuoma chun, “Bel lientak inchuon la, zâwlnei naupasalhai ta dingin hmepawk suong rawh,” a ta.

THUVARHAI 8:34

Ka thu hretu chu mi hamṭha a nih, Ka dâikawtkhâra ni tina nghâktu, Ka kawtkhâr bienga nghâk zingtu chu.

LUKA 10:42

thil pakhat chau a pawimaw; Mariin chan ṭha a thlang a, chu chu lâkpêk ding a ni nawh,” a ta, a dawn a.

LUKA 2:46

Chun, ni thum chena chun, Pathien biekinah, inchûktirtuhai laia ṭhungin, an thu lo ngai a, lo indawnin an hmu ta a.

LUKA 8:35

Chun, thil um dân chu en dingin mihai an suok tâwl a; chun, Isu kuom an hung tlung a, khawhri isuoksanpa chu puon sila lungvar pângngai putin, Isu ke bula ṭhung an hung hmu a; chuongchun, an ṭi ta a.

JOHAN 11:1

Chun, mi pakhat, Mari le a zuorpuinu Martha umna khuo Bethania mi, Lazar damnaw a um a.

JOHAN 11:19

chuongchun, an ṭapa thi chunga sukthlamuong dingin Judahai rawi tamtak Martha le Mari kuomah an hung a.

JOHAN 12:3

Chun, Mariin bûk zâtve Spiknard hriek rim inhnik totak a hung chawi a, Isu kehai a nâl a, a samin a kehai chu a hrûk a; chuongchun, chu hriek rim chun in chu a sip rum rum el a.

THILTHAWHAI 22:3

chun, ama chun, “Juda mi ka nih, Kiliki ram Tarsa khuoa pieng ka nih; nisienlakhawm, hi khuoa hin Gamaliel ke bula inchûka inṭhang lien ka nih, ei thlatuhai Dân khermeitak chu inchûka um hlak ka nih, vawisûna nangni ang tak hin, Pathien ta dinga ṭhahnem bawk hlak ka nih.

DÂN PAHNINA 33:3

Anih, a mihai chu a hmangai a, A mi inthienghai po po chu a kutah an um a; I ke bulah an ṭhung a, I thu chu pawm peiin,