LUKA 10:31 - Pathien Lekhabu Inthieng (BSI)

³¹ Chun, thiempu pakhat chu lampuia chun a zu fe hlau a, a hmu phingleh lampui sîr khat tieng a hêl el ta a.

LUKA 10:31 ပူးပေါင်းရင်းမြစ်များ

2 SAMUEL 1:6

A hriltu tlangvâl chun, “Iengtin tin amanih Gilboa tlânga chun ka lo um kher a; chun, ngai ta, Saula chu a fei ringsana ngîr ka hmu a, chun, tawlailîrhai le sakawr chung chuong mihai chun an hung hnai ta hle el a.

INPÂKNA HLABU 142:4

Ka changtieng hi thlêk la, en ta, tukhawm a mi hre hrim hrim an um ta naw hi; Kân humhimna a um ta naw a tukhawmin ka hringna hi an ngaisak ta nawh.

INPÂKNA HLABU 69:20

Mi mi hrilsietna hin lungriemin a mi thlâk a, nasatakin ka lungngai bawk a, Chuongchun, a mi lunginsiettu ding ka zawng a; nisienlakhawm, tukhawm an um si nawh; A mi thlamuontu dinghai ka zawng a; nisienlakhawm, tukhawm ka hmu si nawh.

THUVARHAI 21:13

Tukhawm mi pasie khêk ria a nahai suksêt chu, Ama khawm khêk ngei a ta, amiruokchu, ngai ni naw nih.

THUHRILTU 9:11

Ka thlîr nâwk a, nisa hnuoia chun intlânsiekna chu a hrâthai ta ding chau a ni naw a, indona chu a hrâthai ta ding chau a ni naw a, bei chu mi varhai ta ding chau a ni naw a, hausakna chu hrietthiemna nei mihai ta ding chau a ni naw a, ditsakna chu themthiemhai ta ding chau a ni nawh; amiruokchu, hun le remchâng chu an rênga kuomah a tlung seng a ni lem ti ka hmu a.

ISAI 58:7

Mâni bu mi phîngṭâmhai kuoma sem le, rimsi hnawtsuoka umhai mâni ina ṭhuoi hi ni lem lo am a nih? Mi saruok hmua puona dêng le, mâni tisa ang put mihaia inthawka inbîkhmang naw hi ni lem lo am a nih?

JEREMIA 5:31

zâwlneihai chun indik lotakin an lo hrillâwk a, thiempuhai hlak chun anni thu ang angin ro an lo rêl ta a, ka mihai hlak chun, chuong chu nei an lo châk bawk si a: a tâwpa chun ieng am thâw tâng i ta?

HOSEA 5:1

Aw nangni thiempuhai, hi hi lo hre ta u, Nangni Israel sûnghai, lo ngai ta u, Aw laltak sûnghai, na lo sit ta u, Rorêlna chu nangni chunga ding a ni si a; Mizpaa chun châng in ni a, Tabor tlânga lên in zar leiin.

HOSEA 6:9

Suomhmang ruolin mi an inchân hlak angin, Thiempu pâwlhai chun Sekem lampuiah mi an that hlak; Anih, thil suol an thaw ta a nih.

MALAKI 1:10

Nangni laia mi pakhat bêk, ka maichâma a thlâwna mei a sêm nawna dinga kawtkhârhai khâr hlak chu um unla chu aw! sipaihai Lalpa chun a tih, nangnia hin lâwmna hrim ka nei naw a nih; in kuta thilinhlân hrim hrim khawm lâwm naw ningah.

LUKA 10:30

Isûn a dawn a, “Mi pakhat Jerusalema inthawkin Jeriko tieng a fe thla a, suomhmanghai ân tuokpui hlau a, chuhai chun a silfên an hlîppêk vawng a, an vuok hrep a, thi vâng vângin an fe san ta a.

LUKA 10:32

Chun, chuong ang bawkin Levi chi mi pakhat khawm chu hmun chu a hung tlung a, a hmu phingleh lampui sîr khing tieng a hêl ve el ta a.

RUTH 2:3

Chuongchun, a fe ta a, busîktuhai lâk ṭhel chu a va zawng a: Elimelek pahnam, Boaz lo kherah a va fe fûk hlau el a.