LUKA 10:30 - Pathien Lekhabu Inthieng (BSI)

³⁰ Isûn a dawn a, “Mi pakhat Jerusalema inthawkin Jeriko tieng a fe thla a, suomhmanghai ân tuokpui hlau a, chuhai chun a silfên an hlîppêk vawng a, an vuok hrep a, thi vâng vângin an fe san ta a.

LUKA 10:30 ပူးပေါင်းရင်းမြစ်များ

INPÂKNA HLABU 88:4

Khursûnga zu fehai laia tiemsa ka na, Hrâtna hrim hrim neilo mi ang ka nih.

JEREMIA 51:52

Chuleiin, ngai ta u, nihai chu a hung tlung mêk, a milim kera siemhai chunga chun rorêlna nei ka ta, a ram sûng po poa chun hliemhai chu inrûm an tih, Lalpain a tih.

ṬAP HLA 2:12

An nuhai kuoma chun, “Bu le uoin khâwlai am a um a?” an ti a, Khawpui kawtthlêrhaia hliem anga an inkawn el lai le, An thlahai chu an nuhai ângsûnga an hringna a ṭuoi ral lai chu.

EZEKIEL 30:24

Babulon lal kuthai chu sukhrât ka ta, ka kâwlhnâm chu a kutah sieng ka tih; nisienlakhawm, Pharao bânhai chu suktliek ka ta, ama hmaa chun mi thi khawp raua hliem inrûmin inrûm a tih.

LUKA 10:31

Chun, thiempu pakhat chu lampuia chun a zu fe hlau a, a hmu phingleh lampui sîr khat tieng a hêl el ta a.

LUKA 18:31

Chun, sâwm le pahnihai chu a kuomah a tumin a ṭhuoi a, an kuomah, “ngai ta u, Jerusalemah ei hang fe ding a ni hi; zâwlneihai thu ziek po po kha Mihriem Naupa chunga hin tlung a tih.

LUKA 19:28

Chun, chuong ang thu a hril zo chun Jerusalem panin a hmasa a.