LUKA 10:21 - Pathien Lekhabu Inthieng (BSI)

²¹ Chun, chu lai tak chun Isu chu Thlarau Inthiengah a lâwm bêk bêk a, “Aw Pa, hnuoi le vân Lalpa, nangin mi var le mi bengvârhai kuomah hieng thu hi i ip a, nautêhai kuomah i puong lei hin kân pâk che; anih, Pa, chuong anga thaw chu i ngaiin a ṭha a nih.

LUKA 10:21 ပူးပေါင်းရင်းမြစ်များ

INPÂKNA HLABU 24:1

Leilung hi Lalpa ta a na, a sûnga um po pohai leh, Khawvêl le a sûnga chênghai le hin.

INPÂKNA HLABU 25:14

Lalpa thurûk chu ama ṭituhai kuomah a um a, A thuthlung chu anni inhriettir a tih.

INPÂKNA HLABU 8:2

I hmêlma le phubalatu sukdeina dingin, Nangma dotuhai lei chun, Nautehai le nêne ne laihai bau suok chun hrâtna i sukdet a.

ISAI 29:14

chuleiin, ngai ta, hienghai lai hin thilmak thaw nâwk nghâl ka ta, thilmak, thilmaktak el chu; chuongchun, an mi varhai varna chu bohmang tâng a tih, an mi bengvârhai hrietna chu thupin um tâng a tih,” a ta.

ISAI 35:8

Chun, chutaka chun lamlien um a tih; lampui leh, chu chu, “Inthiengna Lampui,” tîng an ta; mi inthieng naw chu chutaka chun fe naw ni hai; amiruokchu, chuhai ta ding chun ni lem a tih; mi inzin inlawnhai, anih, mi invêthai khawm, chutaka chun inhmang naw ni hai.

ISAI 53:11

A hringna sininrim ra chu hmûng a ta, lungawi tâng a tih; ka siehlaw feltak chun a hrietnain mi tamtak chu thiem inchangtir a ta, an khawhlonahai chu phurpêk a tih.

ISAI 62:5

Tlangvâlin nunghâk nuhmeia an nei hlak ang hin i naupasalhaiin nuhmeiah nei an ti che: mo neitu chu mo chunga a lâwm angin, i Pathien chu i chungah lâwm a tih.

ISAI 66:1

Lalpa chun hieng ang hin a tih, “Vân ka ṭhungpha a na, hnuoi ka ke innghatna a nih; in ieng ang am in mi bâwlpêk ding a na? Khâwlai hmun am a na ka châwlna ding chu?

ZEPHANIA 3:17

Lalpa i Pathien thilthawtheitak, sandamtu ding chu i sûnga chun a um a; Nang chu hlimnain lâwm a ti che a, a hmangainaa chun châwl a ta, Hla sakin nangmaa chun hlim a tih.

MATTHAI 16:17

Chun, Isûn a kuomah, “Simon Bar-Jona, i hamṭha ie; tisa le thisenin ân hriettir che a ni si naw a, ka Pa vâna mîn ân hriettir lem che a nih.

MATTHAI 21:16

a kuomah, Hienghai thu hril hi i hriet am?” an ta. Chun, Isûn an kuomah, “Hre e: ‘Nautêhai le nene ne laihai baua suok chun, Inpâkna i sukṭhafamkim tah,’ ti hi in tiem ngai naw am a nih?” a ta.

MATTHAI 3:7

Nisienlakhawm, Pharisaihai le Saddukaihai tamtak a baptisma chang dinga hung a hmu phingleh, an kuomah, “Rûl thlahai, lungsenna hung tlung ding hi tlânsan dingin tuin am a kâwk cheu a?

MARKA 10:15

Titakzetin ka hril cheu, tûkhawm Pathien ram chu naupangtêin a lâwm anga lâwm naw phawt chu a sûngah lût naw tawp an tih,” a ta.

LUKA 15:5

Chun, a hmu nâwk chun, lâwmtakin a liengkoah a put hlak.

LUKA 15:9

Chun, a hmu nâwk chun, a ruolhai le a vênghai a ko khâwm a, ‘Mi lâwmpui ro, ka duli inhmang kha ka hmu nâwk tah,’ a ti hlak.

JOHAN 11:41

Chuongchun, lung chu an dawm tâwl a. Chun, Isu a dâk a, “Pa, ka thu i ngai leiin i chungah ka lâwm ie.

2 KORINTH 4:3

Nisienlakhawm, kan Chanchin Ṭha hi inkhuma a um chun bohmang mêkhaia hin a nih inkhuma a um chu.

EPHESI 1:11

Ama ditzâwnga remruot ang peia iengkim thawtu tum anga ruot lâwk ni tain, amaa bawk chun a ro dinga siem kan nih,

EPHESI 1:5

Ama lungdit, a lâwmzâwng angin Isu Krista zârah ama ta dinga naua siem dingin a mi lo ruot lâwk ta a,