LUKA 10:15 - Pathien Lekhabu Inthieng (BSI)

¹⁵ Chun, nang Kapernaum, vân chenin chawimawi i ni ding am a nih? Mithi khuo chena nam thlâk i ni ding i sawnnaw.

LUKA 10:15 ပူးပေါင်းရင်းမြစ်များ

INṬANNA 11:4

Chun, “Thaw ro, khawpui siem ei ta, in insâng a sîpin vân tawng dingin bâwl bawk ei tiu a, ei hming sukthang ei tiu; chuong naw chun hnuoi chung po poa hin sukdarin um râwi ei tih,” an in ti a.

ISAI 5:14

Chuleiin, Seol chun a châkna chu a lo suklien a, a bau chu inkhi ruollo khawpin a ka ta a, chuongchun, an ropuina dâm, an mipuihai dâm, an ropui bûr bûrna dâm, anni laia lâwmtaka umhai le chun an lût thla ta duol duol a.

JEREMIA 51:53

Babulon chu vân chenin vûm sienkhawm, a hrâtna insâng khawm chu la sukhrât zuol pei sienkhawm, keia kuoma inthawkin suksetuhai an hung ding a ni si a, Lalpa chun a tih.

EZEKIEL 26:20

Chun, tienlaia mihai vânsama ṭumhai kuoma chun ṭhuoi ka ti che a, vânsama lo fe thla tahai lai, tienlaia inthawka râusana um tah hmuna hai, leihnuoi hnuoi tieng panga chêng dingin siem ka ti che a; hluo ni ta ngai hrim hrim naw ti ni; chun, mi hring rama chun i ropuina chu sie bawk ta naw ning;

EZEKIEL 31:18

“Edena thinghai laia hin ropuina le mawinaah ieng le hin am in inang a? Hnuoi khingtieng panga chun Eden thinghai le chun nang chu sukhnuoi i la ni ding a nih; kâwlhnâma thata lo um tah, sertan lohai laia chun i zâl ve ding a nih; Hi hi Pharao le a mipuihai chu an nih, Lalpa Pathien chun a tih,” tiin.

EZEKIEL 32:18

“Mihriem naupa, Aigupta mipui ta ding chun ṭap inrûm la, vânsama lo fe thla tahai le chun, hnuoi khingtieng panga chun, hnam hming inthangtak tak naunuhmeihai le, ama leh pei thla rawh.

EZEKIEL 32:20

Kâwlhnâma thata umhai laia chun tlu vêng an ta, kâwlhnâm kuoma chun pêk a ni ta a, ama le a mipuihai po po le chun hnûk hmang rawh.

EZEKIEL 32:27

Anni chu mi thilthawtheihai, sertanlova lo tlu taa, an indona hriemhreihai le hremhmuna lo fe thla taa, an luhai hnuoia an kâwlhnâmhai lo siea, an suolnahai chu an ruhaia umhai laia chun anni chu zâl ve naw ni hai a; mi hring rama chun mi hrâthai ṭisimhai chu an lo ni ta si a.

OBADIA 1:4

Mu angin insângtakah hang vuong la khawm, i bu chu arasi lai khin sep ni sienla khawm, chutaka inthawk chun la thla el ka ti che, Lalpain a tih.

MATTHAI 10:28

“Chun, taksa sukhluma thlarau sukhlum thei nawhai chu ṭi naw unla, Hremhmuna thlarau le taksa sukbo thei ruok chu ṭi ro.

MATTHAI 11:23

Chun, nang Kapernaum, vân chena chawimawi i ni ding am a nih? Mithi khuo chenin i zu fe ding i sawnnaw. Nangmaa thilmak thawa umhai kha Sodoma thaw ni sienla, tu chen hin la um zing a tih.

MATTHAI 4:13

chun, Nazareth a mâksan a, Kapernaumah a um ta zing a, chu chu Zebulun le Naphtali biela dil panga um a nih:

LUKA 13:28

“Abraham hai, Isak hai, Jakob hai, zâwlnei po pohai chu Pathien ram sûnga um in hmua, nangni tuola hnawt suok in ni in inhriet pha, chutaka chun ṭap le harâwt chu um a tih.

LUKA 16:23

Chun, mithi khuoa chun natak tuorin a um a, a hang dâk a, hlataka Abraham, a ângsûnga Lazar um leh a hmu ta a.

DÂN PAHNINA 1:28

Iengdingin am chu chun hang fêng ei ta? Ei unauhai chun, Mihriem chu eini nêkin an lien a, an insâng lem bawk a; khuohai chu a lien tâwl hle a, vân tawngin kulhai a nei a; chun, Anakim thlahai khawm chu kan hang hmu bawk a, tiin kan lungril an sukzawp a,’ in ti a.

2 PETER 2:4

Vântirkohaiin thil an suksuol lai khan Pathienin a hla naw a, hremhmunah a pei a, rorêlpêk dinga khêk dingin khur inthimah a khum lem si a.