LUKA 1:77 - Pathien Lekhabu Inthieng (BSI)

⁷⁷ An suolhai ngaidamna dinga, A mihai kuoma sandamna thu inhriettir dingin;

LUKA 1:77 ပူးပေါင်းရင်းမြစ်များ

JEREMIA 31:34

chun, mi tinin mâni tuolbâwmhai chu inchûktir ta naw ni hai a, mâni unauhai seng leh; “Lalpa chu hre ro,” tiin inchûktir ta naw ni hai, anni a chîn taka inthawka a lien tak chenin kei an mi hriet vawng ta ding a nih, Lalpa chun a tih: an bawsietnahai chu ngaidam ka ta, an suolna khawm hre zing ta naw ning.

LUKA 3:3

Chun, ama chu Jordan vadung pang vêl ram tinah a fe a, thil suksuol ngaidamna dingin simna baptisma thu a hril pei a.

LUKA 3:6

Chun, mi po poin Pathien sandamna hmûng an tih,’ a ta,” tia ziek ang khan.

JOHAN 1:29

Chun, a zînga chun Johanin Isu a kuoma hung ding a hmu a. Chun, a hril a, “En ta u, Pathien Berâmte khawvêl suol fepuitu ding saw!

JOHAN 1:34

Chu chu ka hmu ta a, ama hi Pathien Naupa a nih ti kân hriettir tah,” a ta.

THILTHAWHAI 10:43

“Tûkhawm ama ring taphawt chu a hming leiin suolhai ngaidamin um an tih ti hieng a chanchin hi zâwlneihai po poin an inhriettir hlak kha a nih,” a ta.

THILTHAWHAI 19:4

Chun, Paula chun, “Johan khan chu mi kuomah, ‘Ka hnunga hung ding, (Isu chu) in la ring ding a nih,’ tiin simna baptismain a baptis hlak a ni kha,” a ta.

THILTHAWHAI 2:38

Peter chun an kuomah, “In suolhai ngaidamna dingin, sim unla, Isu Krista hmingin baptisma chang seng ro; chuongchun, Thlarau Inthieng pêk hi hmûng in tih.

THILTHAWHAI 3:19

Chuleiin, in suolhai thâibo a ni theina dingin sim unla, ngha kîr nâwk ro,

THILTHAWHAI 5:31

Ama ngei kha Pathienin Lal le Sandamtua um dingin a changtieng a chawimawi tah, Israelhai suol insimtir ding le ngaidam dingin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:25

Pathienin ama felzie inentir dingin Krista Isu chu a thisen ringnaa suol thuphachawina dingin a ruot a. Pathien zaidawtheinain inhmaa suolnahai chu hriet naw tehlêm a thaw a nih.

EPHESI 1:7

A thisen leiin amaa chun ei intlanna ei nei a nih a lunginsietna hauzie ang peia ei bawsietnahai ngaidamna chu.