LUKA 1:75 - Pathien Lekhabu Inthieng (BSI)

⁷⁵ Ei dam sûnga a mithmua inthieng le feltaka ei um zing theina ding chu, a mi hung ruotpêk ta a nih.

LUKA 1:75 ပူးပေါင်းရင်းမြစ်များ

ISAI 43:21

chuong ka mihai chu ka ta dinga inpâkna an suklang theina dinga ka ta dinga ka siemhai chu an nih.

ZEKARIA 8:19

“Sipaihai Lalpa chun hieng ang hin a tih: Thla lina bu ngheina le, thla ngana bu ngheina le, thla sarina bu ngheina le, thla sâwmna bu ngheina chu Juda sûngkuo ta ding chun hlimna le lâwmna le thafânna ruoiṭhehai an ni lem ding a nih: chuleiin, indikna le inremna hi ngaina ro,” tiin.

MATTHAI 1:21

Naupasal nei a ta, a hmingah Isu sak i tih; ama chun a mihai an thil suksuolnaa inthawkin a sandam ding a ni si a”, a ta.

LUKA 1:74

Chuongchun, ei hmêlmahai kuta inthawka mi sanhimin, ṭi lova a rawng ei bâwl theina ding le,

EPHESI 1:4

Hmangainaa inthieng le, sawisêlboa ama hmaa ei um theina dingin leilung insieng hmain Kristaa chun a mi thlang a.

EPHESI 2:10

Thil ṭha thaw dinga Isu Kristaa chun siema umin, ama kut suok ei ni si a, chu thil ṭha thaw chu ei umna dingin Pathienin a buotsai lâwk a nih.

EPHESI 4:24

mihriem thar, felna le inthiengna indiktaka Pathien angpuia siem chun inthuom ro.

DÂN PAHNINA 6:2

nangni le in naupasalhai, in tupahaiin Lalpa in Pathien chu an ṭi a, an dam sûng po poa a thuruothai po po le a thupêk cheu hi in zâwmna ding le in chêng sâwt theina dingin.

1 THESSALONIKA 4:1

Chuongchun, unauhai, a tâwp taka chun, in um dân ding le Pathien in suklâwm dân ding (tuta in um dân hi) kan kuoma inthawka in lâk ang khan in hau nâwk zuolna dingin Lalpa Isua chun kan ngênin kan infui cheu a nih.

1 THESSALONIKA 4:7

Pathienin inthieng naw dingin a mi ko si naw a, inthieng dingin a mi ko lem a nih.

2 THESSALONIKA 2:13

Unau, Lalpa idittakhai, Thlarau isukthiengnaa le thutak ring leia sandama um dingin a tîra inthawka Pathienin a thlang cheu leiin, in chungthua hin Pathien kuomah lâwmthu hril rawp ding hrim kan nih.

2 TIMOTHE 1:9

Ama chun ei thilthawhai ang ni lovin, ama ruot le a lunginsietna ang lemin a mi sandam a, kona inthiengin a mi ko bawk a, chu lunginsietna chu leilung insieng hmâin Krista Isua chun ei kuoma pêk a ni tah;