LUKA 1:64 - Pathien Lekhabu Inthieng (BSI)

⁶⁴ Chun, kârlovin a lei le a bau chu a hung insût a. Pathien inpâkin a hung ṭawng suok ta a.

LUKA 1:64 ပူးပေါင်းရင်းမြစ်များ

INPÂKNA HLABU 51:15

Aw Lalpa, nangin ka hmûr hi hawng la, Chuongchun, ka bau hin inpâkna chu ân hriettir ding annâwm.

FESUOKNA 4:11

Lalpa chun a kuomah, “Mihriem bau chu tuin am a siem a? Tuin am mi chu ṭawngtheilo, nasêt, mitvar le mitdelin a siem? Kei, Lalpa hin ni lo am a nih?

ISAI 12:1

Chu nia chun hieng ang hin la hril i tih, “Aw Lalpa, lâwmthu hril ka ti che; ka chungah lo lunginsen ta la khawm, i lunginsen chu a bo ta a, nangin i mi thlamuon ta a ni hi.

JEREMIA 1:9

Chun, Lalpa chun a kutin a hung ban a, ka bau chu a tâwk ta a; chun, Lalpa chun ka kuoma chun, “Ngai ta, i baua chun ka thuhai chu ka sie tah,

EZEKIEL 29:21

“Chu nia chun Israel sûngkuoa chun ki hung inder suok dingin thâwng ka ta, anni laia chun bau kâkna chu pêng ka ti che a; chun, Lalpa ka nih ti mi hre tâng an tih,” tiin.

EZEKIEL 3:27

Nisienlakhawm, nanga kuoma thu ka hung hril pha chun, i bau chu hawng ka ta, an kuoma chun, ‘Lalpa Pathien chun hieng hin a tih,’ tîng i tih. A hre taphawt chun lo ngai raw se; a ngaisak naw taphawt chu ngaisak lovin um raw se; sûngkaw hel hmang an ni si a.

EZEKIEL 33:22

Chun, chu hung tlân suok hung hma, zântieng chun Lalpa kut chu ka chungah a um a, zîngkâra ka kuoma a hung hma po chun ka bau chu a mîn kâktir a; ka bau chu inkâktirin a um a, ṭawng thei lovin ka um ta naw a.

MATTHAI 9:33

Chun, khawhri chu a hnawt dawk phingleh ṭawng thei naw chu a hung ṭawng ta a. Mipuihai chun mak an ti hle a, “Israelhai lai khawm hieng ang hi hmu a ni ngai nawh,” an ta.

LUKA 1:20

Ngai rawh, ka thu hrilhai, a hun taka hung tlung ding chu i awi naw leiin chuong thil chu a hung tlung hmakhat chu to zing i ta, ṭawng thei naw ti ni,” a ti a.